متابعة :رانيا مصطفي
تشرف الجريدة بأن تقدم الموهبة الشابة أمنية عصام طالبة جامعية بالفرقة الأولي كلية اداب قسم وثائق ومكتبات قصيدة بعنوان “حكاية عذابي “.
اول يوم فِ لقانا
كان باين ف عينيك شئ م المحبه
قولت اديني من وقتِك حبه
اقولِك ع حاجه ملكاني
انا قولت وقتها انه كلام افلام واغاني
ورفضت الكلام معاك ومشيت
قولت هكونلِك بيت
استني…
بثور بركان انفجر مني
بسبب واحد خان قبله
قولت انى عمري م هقابله
وان اللى داقه قلبي
مش هيدوقه مرتين
حكاية عذابي ف الدنيا بدأت من سنتين
بدأت بخبطة بين كتفين
ونظرة بالعين
ولمسه جات ف قلبي
وكأني اتولدت معاه م الاول
كان لي نقطة تحول
غير حالي من قلب خالي م الاحساس
ل قلب فجأة حب الدنيا والناس
وفجأة وبدون اى مقدمات
قالي اللى بينا مات
وانك مش البنت اللى بتمناها
حزين جداً للقاكي
وسعيد جداً ب لُقاها
كرهت حياتي معاكي
واديني اتولدت من جديد وياها
واتشق القلب ل نصين
من جسمين ب روح واحدة
لِ روحين
ودي نهاية حكاية هلكتني
وبداية قوة ملكتني
وبذنب حبي للي فات
لازم حبك يموت جواك
زى م حبي للي قبلك مات
كسرتك انا عارفه
لكني حالفه ان قلبي م يدوق الحب تاني
ومش وفاء للإولاني
لكنه وفاء لعذاب كسر ضلوعي
وفاء لحزن كان سبب ف وقوعي
