- الإعلانات -
كتب احمد على البدرى
نشر البرلماني رفعت شكيب عضو مجلس النواب عبر صفحته الشخصية بموقع التواصل الاجتماعي “فيسبوك ” يتساءل عن … مين بيستغل مين ؟
حيث قال :” بسم الله الرحمن الرحيم
بجد انا مش عارف مين بيستغل مين في البلد
هل المزارع طيب المستورد ولا التاجر “.
- الإعلانات -
مضيفاً:”اليوم دخلت محل كشري اكلة المواطن البسيط الغلبان الي بياخد أولاده يتمشى بيهم ويدخلهم يتغدوا كشري طيب سعر طبق الكشري بداية من ٢٠ ج الي ٥٠ ج طبق الكشري علشان يشبع طفل بيتغدي ٣٠ والاب والام طبق من الكبير ب ٥٠ ج يعني الاسرة محتاجه من ٢٠٠ الي ٣٠٠ ج علشان تتغدي كشري ايه المشكلة “.
معللاً:”المشكله ان الأرز غالي وصاحب محل الكشري رفع السعر وشال الرز من الطلب نهائيًا يعني مكسب اصبح مضاعف مرات والحجه الرز غالي وهوه أساسًا شال الرز من الوجبه خالص “.
متسائلاً:”السؤال هنا مين بيستغل مين ؟
التومين حاطين موظف لكل مخبز شغله الشاغل ال ٢٠٠ ج وال ٢٠ رغيف يروح بيهم ومش مشكله المواطن المشكله صاحب المخبز يكون راضي عنه ويظبطله المعلوم اخر اليوم ،انا بجد مش عارف مين بيستغل مين ، في اللحوم ولا الاسماك ولا الدواجن ولا الزيوت ولا ايه بالظبط “.
مختتماً:”في النهاية احمل المسؤولية مع الاسف للمواطن الي بيشتري وخلاص ويوافق علي ضياع حقه لتاجر جشع ، لك الله يا سيسي هتحرص برا ولا جوا “.
