السيسي : الشعب المصري لا يُقاد بالقوة و منطقه الشرق الأوسط دفعت ثمن التدخلات الخارجية في شئونها.

متابعة : رانيا مصطفي 

أكد الرئيس خلال كلمته بمنتدي شباب العالم في دورته الرابعة بشرم الشيخ أن التغيير بالقوة قد يؤدى لخراب لا يتم السيطرة عليه، مشيراً إلى أن منطقة الشرق الأوسط دفعت ثمنا باهظا لتدخل الآخرين في شئونها، منوها بأن الله حمى مصر من هذا المصير.وشدد الرئيس على أهمية وقف الاقتتال في مناطق النزاعات لإعطاء فرصة لإعادة الإعمار، ووجه الرئيس نداء باسم شباب منتدى شباب العالم لجميع الدول المنكوبة بالصراعات والقادة والمسئولين لتسوية الأزمات. وفيما يخص إعادة إعمار قطاع غزة، وجه بسرعة انتهاء مراحل إعادة إعمار القطاع التي وعدت بها مصر في أسرع وقت.

وقال السيسي، خلال كلمة ألقاها في لقاء مع “شركاء التنمية” على هامش منتدى شباب العالم عايز أقوله لكم وأطمنكم إن دعمكم ومساندتكم لنا في خلال السنوات اللي فاتت أتصور أنكم رصدينه وشايفينه كويس في حالة من الاستقرار.. مش الاستقرار الأمني”.

وأضاف: “شوفوا وده مهم أنى أقوله مفيش حد يقدر يفرض على الشعب المصري قبضة أمنية مفيش كلام من ده”، وتابع: “الشعب المصري لا يقاد.. طب أنا هخرج بره السياق خالص”.

وتابع الرئيس السيسي، “هذا الكلام مسجل في محاضر رسمية، في يوم السفيرة الأمريكية بتقول لي في 2011: مين اللي هيحكم مصر؟ ورديت عليها: اللي هيحكم مصر الإخوان. وقالت لي: طب وبعدين؟ قلت لها: بعدين هيمشوا لأن الشعب المصري لا يقاد بالقوة وميخشش الجامع والكنيسة بالعافية. وده اللى حصل والكلام مسجل في محاضر رسمية”.

وتابع الرئيس المصري: “اللي أنا عايز أقوله أنى بطمنكم أن بدعمكم لينا أنتوا بتقدموا دعم لدولة فيها 100 مليون إنسان وده أعلى درجات حقوق الإنسان”.

وأضاف السيسي: “زي ما أنتوا شايفين إحنا بنتعامل بأعلى درجات الشفافية في كل شيء ولا نقبل أبدا أي سلوك غير منضبط طبقا للمعايير اللي أنتوا بتعملوا بها او تطالبوننا بها.