متابعة : أسماء همام
تشرف الجريدة بأن تقدم الموهبة غزالة عطية من محافظة الغربية مدينة المحلة الكبرى والتي لها العديد من القصائد الشعرية وسنعرض واحدة من أجمل قصائدها قصيدة بعنوان “حماتك “.
تعملى إيه لو حماتك بتتدخل في كل شؤؤنك؟
تزعقى لزوجك وتشكى من أمه 👂وتسمعيه كلام يسم البدن ؟
أم تحلى مشكلتك بنفسك ؟
لما تلاقى حماتك بتتدخل في كل شؤونك!!
خدى الأمور ببساطة وللين وصبر وحكمة
ازاى هقولك
اعتبريها أمك أولا دون نفاق
وتقبلى منها الأمر ده على إنه غيرة منك لأنك اخذت ابنها من وجهة نظرها هى
طمنيها دايما إنها الأولى والأخيرة في قلب ابنها
ماتخليش زوجك يتغزل فيكي ادامها
لو تعرفى تعملوا تمثيلية ادامها أنه ظالمك وانك مظلومة وتشهديها عليه حتى لو جات في صف ابنها ولا يهمك لأنها أصلا تمثيلية
مرة في مرة هتصعبى عليها وتكون في صفك وتحن لكى لما تلاقيكى ما بترديش على ابنها كالحمل الوديع
حسسيها إنك ونس لها وانك تحت أمرها في أي طلب تطلبه منك زى أمك بالضبط عاوزاكى توصلى لها الاحساس ده
اضحكى معاها بالنكت والمزاح دايما
اهم شيء أرضى بقدرك إن الله هو اللي اختارها لك وصبرك عليها اجر وثواب
ونجاة من مصائب كتير وزيادة حسنات
واعرفى إن المعروف ما يزول أبدأ
وإن صبرك على حماتك ربنا هيرزقك بزوجة إبنك تصبر عليكى وتكون زى بنتك وتكون بارة بكى
وكمان هتريحى زوجك من النكد وتريحى نفسك من غل القلب وارتفاع الضغط
وفي الاول والآخر كله هيتحاسب فياريت تعملى ليوم الحساب
