- الإعلانات -
كتبت ايمان محمد
بالفيديو : أميرة بدر تهاجم تامر حبيب بعد حديثه عن محمد سلام
هاجمت الإعلامية أميرة بدر السيناريست تامر حبيب، بعد قيامه بكتابة تدوينة عبر حسابه في موقع التواصل الاجتماعي فيسبوك، اعتبرها الكثيرون انتقادا موجها للفنان محمد سلام، الذي قرر الاعتذار عن عدم المشاركة في مسرحية تعرض ضمن موسم الرياض، تضامنا مع أهل غزة.
بالفيديو : أميرة بدر تهاجم تامر حبيب بعد حديثه عن محمد سلام
وقالت أميرة بدر خلال تقديمها برنامج “ملفات” عبر قناة “هي”: “النجم محمد سلام الممثل المحترم الإنسان رأيه يحترم جدا، وبرامج كثيرة حاولت تتواصل معاه مرضيش يطلع يتكلم لإنه مش عايز تريند وشهرة، هو إنسان دينه الإنسانية قبل الإسلام”.
كما أضافت: “الأستاذ تامر حبيب كتب على السوشيال ميديا والنبي لما اي حد فينا ياخد اي قرار، ياخده و هو ساكت، ولا إنت عايز تبقى تريند، خليني ساكت بلاش اتكلم”.
وتابعت: “في موقف زي دي يا أستاذ تامر بلاش تتكلم، حضرتك عايز تروح وتشتغل روح محدش هيقول لك حاجة، الممثل شايف إن ده شغله وأكل عيشه وده حقه، ولكن يا أستاذ تامر ماتطلعش تتكلم على الأستاذ والنجم محمد سلام بهذا الشكل، حتى لو كتبت بعدها إنك لا تقصده، لإن ده حقه”.
- الإعلانات -
وأكملت قائلة: “محمد سلام عمل موقف نبيل جدا، ومش قادر يرقص ويغني وإخواته في غزة بيموتوا، وكثير منا مش عارف يمارس حياته الطبيعية”.
أما بالنسبة للفنان محمد سلام فقد اعتذر عن عدم المشاركة في مسرحية “زواج اصطناعي”، التي تعرض ضمن فعاليات موسم الرياض في السعودية.
أقرا أيضا : بالفيديو : إلهام شاهين: «اتحدوا يا عرب.. وهيتعملكم ألف حساب»
وفي مقطع فيديو تم نشره عبر إنستجرام، أعلن محمد سلام اعتذاره عن عدم السفر إلى السعودية لتقديم المسرحية بسبب استمرار العدوان على غزة.
و كتب تامر حبيب عبر حسابه في فيسبوك فى وقت لاحق: “ممكن و النبي لما اي حد فينا ياخد اي قرار، ياخده و هو ساكت… مافيش داعي يعلنه علي الملأ علي جميع وسائل النيلة … ده لو كان مش عايز يعمل شو و يبقي تريند و يزود فولورز…. اما لو كان من الصنف التاني ده اللهم احفظنا، ياكش…. و لا بلاش، اسكت يا لساني”.
وقام ايضا بكتابة تدوينة أخرى للتوضيح قال فيها: “عايز بس اوضح اني لما كتبت الپوست ده، ماكانش قصدي حد بعينه، و أخص بالذكر صاحبي محمد سلام، اللي انا واثق و مثأكد انه عمره ما كان من هواة الدعاية و لا المنظرة و الادعاء علي وسائل التواصل الاجتماعي… و لا ليا الحق اني اعترض علي قراره او وجهة نظره لأنه عنده مطلق الحرية اكيد… و لا قصدت ان لما حد يكون مؤثر و رأيه هاينبه و يحمس الرأي العام و يكشف وضاعة و اجرام و زيف و دنائة العدو السفاح، طبعاً ده لازم يتنشر و ينتشر في كل مكان، و انا شخصياً بأعمل شير لأي ڤيديو من النوع ده”.
وأضاف: “انا كتبت الپوست السابق لأن بجد الناس بقت واصلة لمرحلة من الغليان و الانهيار و الكآبة و الشعور بالعجز، بما فيهم انا، خلت اي حد علي شفا الانفجار في اي حد… و واختلاف الرأي بين أي حد بقي يفسد و يدمر كل قضايا الود. استرها علينا جميعاً يا رب يا فارج الكرب و كاشف الغمة”.
