- الإعلانات -
كتبت ايمان محمد
تداول عدد كبير من رواد مواقع التواصل الاجتماعى (السوشيال ميديا)، فيديو لطلاب كلية الطب جامعة بني سويف يفاجئون زميلهم بممر شرفي، تكريمآ له وعرفنا للمجهود الكبير الذي بذله معهم أثناء العام الدراسي وأنه كان دائما لا يتأخر عن شرح أى شئ يطلبه منه الطلاب.
وتداول طلاب الدفعة 22 بكلية الطب في جامعة بني سويف، فيديو لتكريم زميلهم أحمد شاويش، في ممر شرفي وهم واقفون يصقفون ويهتفون له “ شاويش.. شاويش”، وتم تقديم درع الدفعة له تقدير وأمتان من جميع طلاب الدفعة لمجهوده الكبير معاهم ومساعدتهم دائمآ، حيث ردد الطلاب «ساعدتنا وحان وقت تكريمك».
وعلق وائل نور، أحد طلاب طب بني سويف، على فيديو، شاويش والمعنى الحقيقى لإخلاص العمل لله ،وحب الخير للكل فى عز وقت زنقة الإمتحانات يعمل اللى عمله مع دفعته ومعانا.
- الإعلانات -
طلاب طب بني سويف.
تعليقات طلاب طب بني سويف علي الممر الشرفي
بينما كتب زياد المصري، أحد طلاب طب بني سويف، علي فيديو الممر الشرفي، “والله مهما اتكلم مش هوفي الراجل دا حقه ولا الي عمله معايا ولا مع دفعتي احمد الشاويش هو اسطورة الخير للطب البشري ببني سويف بحبك يا اخي والله وربنا يكتبلك كل الخير”
ومن جانبه كتب محمود فريد، أحد طلاب طب بني سويف، علي فيديو الممر الشرفي، اكتر حد وقف معانا وساعدنا ومابخلش علينا ابدا ب اي مساعدة ربنا يجعل كل حاجه عملها معانا ف ميزان حسناته يارب.
وقالت داليا، أحد طلاب طب بني سويف، علي فيديو الممر الشرفي، “حقيقي هفضل طول عمري ممتنة لدكتور احمد شاويش وناس تانيه في دفعتي على كل حاجة عملوها لينا وعلى كل لحظة صعبة مكنتش هتعدي بعد ربنا غير بيهم هما وبس فعلا والله … ربنا ينفع بيهم ويستخدمهم ف أفضل الأماكن اللي يستهلوها بجد ”
بينما ميرنا عاطف، أحد طلاب طب بني سويف، علي فيديو الممر الشرفي، ما حدش خدوم وابن اصول زيك ابدا يا دكتور الف شكر لتعبك معانا اللي تستاهل عليه ١٠٠ ممر شرفي مش واحد بس
