- الإعلانات -
حوار هاجر عبد العليم
عليا جمال تبلغ من العمر ٢٧ عاما تعمل في شغل الهاندميد فتاه مجتهده وكانت تفكر دائما بأفكار خارج الصندوق ،ومفيده وتستطيع مساعدة نفسها ومساعدة الآخرين فكانت اول فتاه في مصر تحمل الجاليري بتاعها ع ضهرها وتلف ع المناطق بيه وتبيع شغلها وكانت فكرة الجاليري بالبلاستيك والكارهون والچينز (إعاده تدوير) ،عملت ورش وعلمت أطفال الشوارع شغل هاند ميد بدل من التسول ،كما أنها عملت مشروع اسمه فنان علي الرصيف بيعني كانت كل جمعه بتاخد شغلها وتنزل مناطق مختلفه وتفرد حاجتها في الشارع ونزلت في أماكن كثيرةولقت المشروع نجاح وقبول واستحسان من الجميع ولهذا كان لنا معها حوار خاص وممتع
متي بدأت في مجال الهاند ميد ومين دعمك ؟
بدأت في مجال الهاند ميد والخيوط والالوان من حوالي ٧ أعوام وطبعا قبل اي حاجه هقولها الفضل يرجع لربنا ثم امي اللي وقفت جمبي وشجعتني وساعدتني اكمل وابقي حاجه واني من غيرها والا حاجه لاني ببساطه هي معلماني كل حاجه وهي السبب في اللي وصلتلو ربنا يخليكي ليا انتي وبابا اللي وافق اني انزل واستقل بنفسي واشتغل واعمل لنفسي اسم ويبقي ليا كرير ف حاجه بحبها
ماذا عن ورش تعليم هاند ميد؟
عملت حاجات كتير في اكتر فمن 5 سنين واتعلمت واخدت خبره كبيره في مجالي وفي غير مجالي كمان
عملت ورش تعليم هاند ميد في امfاكن كتير جدا للكبار والاطفال وللولاد والبنات وغير كدا انا بعدي في وسط البلد دائما وكنت بشاهد اطفال بيبيعو مناديل وبيتسولوا
لما كنت بشوفهم كدا كنت بزعل واضايق في قررت اني اجمعهم واعلمهم وبدل مايتسولوا ويبيعو مناديل وغيرو قررت انهم يعملو حاجه بأديهم ويبعوها احسن وفعلا نجحت ف هذا انهم فعلا اتعلمو وبدأ يشتغلو ا وينزلو يبيعو شغلهم
كنت مبسوطه اوي بنفسي اني قدرت اعمل حاجه بجد واثبت نفسي بين الناس
- الإعلانات -
ماذا عن مشروع فنان علي الرصيف؟
عملت مشروع اسمه فنان علي الرصيف يعني كنت كل جمعه باخد شغلي وانزل منطقه شكل وافرد حاجتي في الشارع وابيعها واول مكان نزلت اعمل كدا فيه هو شارع المعز اعدت فيه اكتر من 3-شهور كنت بنزل اعد مع عم عادل الرسام ده معروف جدا هناك كنت بعد معاه نبيع شغلنا سوا ونزلنا المعادي انا وجروب هاند ميد لفينا خيط ملون ع الشجر في شارع 9 ونزلت انا وصحبتي روحنا بيعنا شغلنا ف جامعه مصر والناس كانت فرحانه بينا جدا اننا بنات وبنعمل كدا
ماذا عن جاليري المتنقل ؟
عملت جاليري عاليا المتنقل وكنت اول بنت في مصر تحمل الجاليري بتاعها ع ضهرها وتلف ع المناطق بيه وأبيع شغلي وكان فكره الجاليري بالبلاستيك والكارهون والچينز (إعاده تدوير)
ماذا عن احلامك ؟
نفسي افتح مكان بأسمي واجمع الناس اللي بتعمل هاند ميد كلها ونجلس نشتغل كلنا ونعمل ورش تعليم ونعلم غيرنا والمكان يكبر اكتر
عملت بيدج اسمها خيوط الوان قوس قزح بإختصار بسعي اني اكون مختلفه واسيب بصمه ف كل حاجه بعملها ف حياتي
