حوار هاجر عبد العليم
تيسير كمال محمد فنانه تشكيلية تبلغ من العمر ٢٠ عاما بنت محافظة بني سويف تدرس في كلية الآداب برنامج علم نفس اكلنيكى حباها الله موهبه الرسم منذ الصغر فطورت من نفسها يوما بعد يوم وشاركت ف معرض قصر الثقافة ببنى سويف و تم تكريمها من المحافظ ومن وزارة الثقافة بكونها فنانة تشكيلية وشاركت في مسابقه ابداع ٩ وابداع ١٠ لهذا العام علي مستوى الجمهورية وتستخدم فنها لعلاج مرضي الفصام والإدمان بالرسم وطبقت العلاج بالرسم علي بعض الحالات التي تعاني من الفصام والادمان ونجحت في تحقيق نتائج جيده وهي وتعمل علي تطوير تلك الفكره الفنيه و العلاج بالرسم مثل العلاج بالموسيقى والسيكودراما وهذا العلاج نادر وليس اي طبيب نفسي يلجأ إليها فهي تعمل علي تطوير الفكره ونشرها ولهذا كان لنا حوار خاص وممتع
متي بدأت موهبتك؟
برسم من طفولتى ولكن انقطعت في فتره الاعداديه و بدات ارجع تانى هروبًا من ضغوط المذاكره والمشاكل وبدأت في اولى جامعه لما ظهرت موهبتى مع أصدقائي والدكاتره عجبهم جدا وشجعونى جامد عليها ومن هنا أتت الي فكره استخدم فني للعلاج بالرسم وبدأت فعلا استخدمها مع مرضى وان شاء لله شغاله علي تطوير الفكره دى اكتر
ماهي اهم اهدافك وطموحك؟
اهم اهدافى وطموحاتى تطوير موهبتى اكتر ف الرسم وتطوير الفكره الفنيه والعلاج بالرسم واستخدمها في اكتر من مكان وكل المحافظات في مصر وخارج مصر ان شاء لله وفتح عيادتى الخاصه
ماهي اهم الصعوبات التي واجهتها؟
الصعوبات كان هناك بعض الناس بتنقد رسمى وتقولى الرسم حرام ومينفعش لازم تبطليه وهذا كان بيدخلنى في مود مش كويس وكنت بنقطع فعلا عن الرسم لحد ما سالت ناس متخصصه في الدين والفن واثبتولى العكس وان هذه موهبه من عند ربنا لازم اطورها اكتر واشتغل عليها وان شاء لله هفضل اشتغل عليها لحد ما تظهرها للعالم كله
ماهي أهم المعارض التي شاركتي فيها؟
شاركت في معرض قصر الثقافه بنى سويف واتكرمت من المحافظ ومن وزاره الثقافه بكونى فنانه تشكيليه وشاركت ف مسابقه ابداع ٩ وابداع ١٠ لهذا العام علي مستوى الجمهوريه وبدأت كورس رسم مع مجموعه من الشباب والحمد لله نجحت جدا في التدريس الرسم واساسيات الرسم ولسه شغاله علي تطوير هذا
لمن توجه الشكر؟
بوجه الشكر لماما اول حد اكتشف موهبتى ودعمنى عليها واهلى هما اكتر ناس دعمونى ودكاترتى في الجامعه وخارج الجامعه وصحابى أكبر داعم لي في حياتى وكل حد دعمنى في حياتى علي المستوى الشخصى
بم تنصح الشباب؟
انصحهم بتطوير موهبتهم والعمل عليها ويكونوا مميزين ف كل حاجه بيعملوها مش بس الرسم لا اى حاجه ف حياتهم يظهرو نفسهم ويكونو الاحسن فيها
من مثلك الأعلي؟
مثلي الأعلي الدكتور ابراهيم الفقي والشخصيات التاريخيه
