نداء بقلمى د / حسناء احمد بلادى نادت نادت وقالت

نداء

بلادى نادت نادت وقالت

بقلمى د / حسناء احمد

أسمعونى أفهمونى حسو بيا وأوعو تسبيونى

سمعت صوتها ….. سمعت صوتها وقلبى حس بيه وبص

لقيت عنيا جريت عليها ولقيت ايديا مسكت ايديها

يا بلادى انتى يا حبيبتى انتى

ابويا وأمى ……. روحى ودمى

أنا مش هسيبك أنا حبيبك

ونهر نيلك بيجرى فى دمى

يا أبويا وأمى ..روحى ودمى

أنا من شبابك عاشق ترابك

ليلك نهارك حتى عذابك

بلادى نادت … نادت وقالت

تعالى يا أبنى تعالى فى حضنى

نفسى اضمك وأمحى جراحى

فى ليلى وصباحى وأنا بنادى

رديت عليها وقلت ليها

أنا قلبى حاسس بيكى وشايف اللى جرالك

بدمى يا أما افديكى يا أما ولا يوم اسيبك كدا لجراحك

عارف صلاحك

هفضل اكافح وبعلم نافع وايدى رافعها

نظره بعيده صفحه جديده احلام اكيده

هحققها بكره والف فكره فى ذهنى حاضره

وارض خضره

وبسمه حلوه على وش طفله بريئه بتجرى

يا بلادى يالا مدى ايديكى ده بكره ليكى

شايفه فى عينيكى اجمل واجمل

والفرحه تكمل بينا وبيكى

يا بلادى انسى جراح زمان

يا بلادى انسى كل اللى كان

من النهارده عيشى فى امان