الشاعر الغنائي محمد كمال وشعر بعنوان “أول ما شوفت عنيها “
كتبت : رانيا مصطفي
إيماناً من جريدة أصالة وطن في مساعدة المواهب الشابة للظهور للنور وعرض مواهبهم معنا اليوم محمد كمال إبراهيم شاعر غنائي من مركز منفلوط محافظة أسيوط يكتب الشعر منذ حوالى ١٧عام وله شعر في جريدة المساء بعنوان بفكرفيك وكانت أول أعماله الشعرية شعر بعنوان أعز الناس.
الشعر الغنائي “أول ما شوفت عنيها “
أول ما شوفت عنيها أول ما شوفت عنيها
قلبى سلم ليها واول مالمست ايديها
على طول دوبت فيها وفى ثانية واحدة اتعلقت بيها
دى نظرة من عنيها تسوى الدنيا وما فيها
خطوتها فى مشيتها ضحكتها ورقتها جمالها وبراءتها
بتعبر عن الى جواها والحاجات الى كانت مخبياها
دى نظرة من عنيها تسوى الدنيا وما فيها
ربنا يبارك فيها ويبعد عنها حسادها
وما يشمتش حد فيها ويخليها ليا ويخلينى ليها
وأفضل سعيد طول ما أنا جنبها ويبقى يوم العيد
اليوم الى أشبكها من أهلها وتبقى ليا أنا
وأدوق معاها الهنا وأن موت أموت قبلها
وتعيش هى وتفضل أبتسامتها ملازمة شفايفها وحياتى ملكها
دى نظرة من عنيها تسوى الدنيا وما فيها
أول ما شوفت عنيها قلبى سلم ليها
