احمد سامي المبتكر لجهاز شحن متنقل يعمل بالطاقه الشمسيه لتوفير ومساعده المواطنين في حوار خاص لجريده أصالة وطن

احمد سامي المبتكر لجهاز شحن متنقل يعمل بالطاقه الشمسيه لتوفير ومساعده المواطنين في حوار خاص لجريده أصاله وطن

 

حوار هاجر عبد العليم

احمد سامي محمود الشريف يبلغ من العمر ٢٣ عاما ابن محافظه الإسكندرية
بدرس حاليا هندسه بحريه وعمارة السفن في جامعة الاسكندريه اشترك في مسابقه بوابة الابتكار كانت اكبر مسابقه للتعليم الفني اشترك فيه١٤٠٠ابتكار وكسبت فيها المركز السابع
اشترك في مسابقه IEEE وفاز بالمركز الاول ،اشترك في معرض القاهره الدولي وفاز بالمركز التاني حصل علي لقب الطالب المثالي علي غرب الاسكندريه
حضرمنتدي التعليم العالي الاول ف العاصمه الاداريه بحضور الريس،موهبته الابتكار والاختراع ،اخترع جهاز لشحن الهاتف بجنيه وهو جهاز متنقل يعمل بالطاقه الشمسيه ،واخترع جهاز آخر لقياس ضغط الدم وضربات القلب بالأصابع ،بلدنا بلد العلماء ويوجد بها الكثير من الشباب التي نفتخر انهم من أبناء مصر ولهذا كان لنا حوار خاص في هذا السياق

 

 

حدثني عن مشروع الابتكار ؟
هو جهاز شحن موبيلات واجهزه اليكترونيه في الاماكن العامه والمتنزهات والكورنيش ومحطات القطارات والاتوبيسات
بيعتمد ع الطاقه الشمسيه
عباره عن باور بانك ثابت كبير الحجم بيتثبت ف التنده او مكان ما
ولو احتجت اشحن الموبايل ف حاله الطوارئ او الانتظار بيتم وضع جنيه فيتم فتح مخرج usb لشحن الموبايل
هو جهاز بيئي وخدمي واستثماري

 

ماهي أهم أهدافك؟
هدفي اسس شركه خاصه بي وابدا اطور فيها كما اني بحب المشاركه ف الاعمال الخيريه والسياسيه واسعي للترشح للمجلس الشعب ف الوقت المناسب

 

 

 

ماهي أهم الصعوبات التي واجهتها؟
المشوار بدايته كان صعب وتحديات
انا كنت متفوق ف الاعداديه وحاصل ع مجموع عالي دخلت تعليم فني برغبتي معظم الناس وأقاربي كانو مستغربين مني و نظره غريبه ومحبطه منهم ان خلاص هو عايز يحصل علي موهل متوسط ويقعد ويخلص جيشه وخلاص بس انا كان هدفي هندسه بعد ما دخلت تعليم فني وعرفت ان مفيش هندسه الا بعد معادله او معهد احبط وكنت هحول
بس قولت كدا كدا كل يوم بيعدي عليا بتعلم جديد وفعلا كملت وطلعت الاول ودخلت معهد سنتين وفي فترة المعهد بدات ادخل ف مسابقات ومنافسات
كنت بخاف اهتم بحاجه اكتر من التانيه فاخسر حاجه منهم ربنا كرمني وطلعت الاول ف اول ترم ف المعهد وكنت تمام بردو في مراحل المسابقه
في ايام مكنتش بعرف انام فعلا بشتغل علي الجهاز وفي نفس الوقت عندي معهد الصبح وكنت بلف اسكندريه كلها علشان ادور علي اجهزه ومعدات وكنت بسافر لاجتماعات ومسابقات ف القاهره وانا عندي امتحانات ف المعهد وكنت فعلا حاسس اني ضيعت ولازم أجل المعهد علشان مش هعرف اجيب مجموع لهندسه كنت بذاكر ف القطر والفندق المقيم فيه والحمدلله ربنا كرمني ودخلت هندسه بمجموع 97.5%

 

بم تنصح الشباب؟
بنصح الشباب بتحديد الهدف قبل اي شئ وابدا طور من نفسك ومتوقفش عن اول محطه هتقابلك صعوبات كتير لازم تتخطي لان مفيش ف الدنيا كلها مشكله ملهاش حل مفيش اصعب من انك متحققش حلمك وتقول يا ريتني كنت تعبت شويه واجتهد شويه مفيش حد احسن من حد كلنا عندنا نفس القدرات باختلاف الرغبات

 

 

لمن توجه الشكر؟
اتوجه بالشكر لابويا وامي واخواتي لانهم تعبو جدا معايا
استاذ امير حمدي كانت بتشرف عليا
مصطفي علي صديقي كان بيساعدني
استاذه احلام مديرة المعهد استاذ صفاء الحداد مديرة التعليم الفني

 

 

 

ماذا عن أحلامك؟
حلمي أن اقابل الرئيس السيسي