نسمه احمد سيده مصريه أصيله سبع صنايع تعمل جميع المهن وتمتهن مهن الرجال تسوق عربيه نصف نقل لكي تواجه أعباء الحياه

نسمه احمد سيده مصريه أصيله سبع صنايع تعمل جميع المهن وتمتهن مهن الرجال تسوق عربيه نصف نقل لكي تواجه أعباء الحياه

 

حوار هاجر عبد العليم
نسمه احمد فرج خريجة معهد حاسبات ومعلومات تبلغ من العمر ٣٤ سنه سيده مصريه اصيله حال معظم السيدات المصريه التي تتعرض لغدر من الزوج الذي يتخلي عن مهامه ومسئولياته كأب ويترك الام تشيل أعباء الاسره وهي ليس لها معيل من أسرتها بسبب وفاه الاب والام ،فتقف بمفردها تواجه المجتمع ومسئوليه أبنائها بمفردها وتعمل في كل المهن لكي تكسب بالحلال ولهذا كان لنا حوار خاص مع الام البطله نسمه احمد

 

ماذا عن ظروفك ؟
انا امرأه مطلقه ولدي ولدين علي وسلمي عمرهم حاليا ١٤ سنه ونصف في الصف الثالث الاعدادي وساندي عمرها ٨ سنوات في الصف الثاني الابتدائي عايشين معايا وملهمش غيري طبعا بعد اهمال وهروب الاب
منعرفش عن والدهم شي من يوم ولادة بنتي الصغيره لم نشاهده كلمنا فيديو بعد ولادتها لاني كنت مسافره معاه بالسعوديه ونزلت عشان اولد وارجع السعوديه تاني
ومرجعتش لاسباب عديده ترجعه له
وبدأت مشاكلي مع اخوه أخذ شقتنا وضع يد وقالي اطلعي شوفي جوزك بيعمل ايه برا ومقدرناش ندخل البيت تاني ومن بعدها عملت ان ابو عيالي بيتزوج جواز مسيار هناك ،لا يصرف علي أولاده ولايطمن عليهم
و بعدها رفعت قضية خلع والمحامي حولها لطلاق لضرر والمحكمه حكمتلي بطلاق الضرر غيابي لانه بقاله فوق الخمس سنوات منزلش مصر وقت صدور حكم الطلاق حاليا بقالي فوق الثمانيه سنوات منعرفش عنه حاجه

 

ماذا بعد الطلاق وطرد أخوه لكي من شقتك ؟
عايشين ف شقه ايجار انا واولادي بعد ما عم عيالي خد شقتنا
هي جارتي سيده كبيره بالعمر كنت عندها في يوم لم بكون مضايقه بجلس معاها لديها عربيتها وهي دايما مركونه تحت بيتها فبتبوظ من ركنتها وبتتركن لانها مبتسوقش وجوزها بيسافر بأستمرار فعرضت عليها اخدها اشغلها لها بالاول ترددت ثم عرضت اشتريها منها واشتغل عليها انا وافقت ومضتني علي ايصالات امانه بتمن العرييه كلها وسددتها حاجه ف حاجه وباقي اخر ايصال فقط وهي عارفه اني هسدها والعربيه قديمه اه جدا البرومه اكلتها كلها شفت فيها متاعب الدنيا كلها لحد متأقلمت علي متاعبها اتعلمت السواقه وصممت ان اوصل وحاليا انا مدربة سواقه وبدرب السيدات عليها بجانب مثلا اي مشوار والدي ووالدتي متوفين يعني اولادي ملهمش حد اطلاقا بعد ربنا
بحاول بقدر المستطاع اكون لهم الام والصديقه والاب والزميله وربنا يقدرني علي كدا واكمل للنهايه

 

 

 

ماذا عن فتره جوازك؟
انا عشت معاه ١٤ سنه جواز من بداية جوازي لحد الطلاق كان بيرسلنا شهر و٢ لا بس كنت بشتغل فالاكل البيتي واساعد معاه بحجه كفيلي اخد فلوسي او ابويا بياخد. مني فلوسي ف حياته
او بسد ديون ابويا بعد وفاته كل مره باعذار مختلفه وكنت بصدق مكنتش بدي خوانه لحد ماحصل الذي حصل واكتشفت كل شي كان كذب رحت له زيارتين السعوديه ولله الحمد وفهمت ان ماديا مرتاح
وكنت بدرس للاطفال الابتدائي هناك تأسيس فقط واشتغلت ف قرية نسائيه خاصه بالنساء فقط علي ادارة الالعاب واشتغلت فوتوجرافر تصوير ف قصور عرايس البومات عملت فلوس ف الشهور اللي قعدتها
قعدت ٩ شهور ف مره ونزلت
ومثلهم المره التانيه ونزلت علي سرقة شقتي ونزل معايا عمل محضر ورجع سحبه وسافر
وسابني بقي ولدت لوحدي ومشافش بنته حتي الان بين انك تكتشفي فجأه كل صغرات السنين والعمر كله اللي قعد عمره كله يحور علي فيها وهوب هيرد علي ايه ولا ايه فجأه بعد مارفعت قضايا نفقه اتضحلي انه ليس معاه سوي اعداديه كان قايلي معاه سياحه وفنادق
كل التفاصيل دي اكتشفتها مع مرور الوقت بعد مافكرت ارفع نفقه
عمل زي الخيط اللي كر وبدأ يظهرلي خفايا الحياه اللي كنت مضروبه علي قفايا فيها وفي الحقيقه جد اولادي كان حنون لم كان بيقصر معايا في مصاريف كان حمايا بيطيب خاطري ويتصل عليا من السعوديه ويقولي يابنتي انزلي لحماتك هتديكي فلوس اخوه اللي اصغر منه استولي عن البيت كله ٦ ادوار قالي ملكوش شقق هنا راجعه من التمرين بعيالي لقيناه قافل علينا البوابه
وقال اجري شوفولكم سكن برا وحصلت مشاكل كثير حاليا احنا بقالنا ٨ سنين ونص منعرفش عنه شي

 

 

 

ماهي أهم أهدافك؟
اهم اهدافي دلوقت ارسي علي بر امن ليا ولعيالي عشان لو حصلي شي ف يوم من الايام تكون لعيالي ثابته وميتهزوش ف يوم من الايام ولا يدورو علي اب مش عاوزهم ولا يبهدلو روحهم كل همي الاستقرار والامان ليا ولعيالي

 

 

ماذا عن طموحك؟
طموحي استقر واثبت اقدامي في شغله من اختصاصي مشروع ثابت مثل لوكيشن تصوير يكون ملكي واترحم من الايجارات
او سياره اقدر اسافر بيها مشاوير برا ديرب هترفع من شغلي كمان لان السياره التي معايا برده معجزاني انها قديمه ويوم شغاله و٤ عند الميكانيكي عطلانه وهذا كل هدفي الحالي الذي أسعي لعمله وبحاول اشوف اخد قرض واجيب العربيه وابدأ اسد ديوني خايفه ان مقدرش اسد ف كذا جهه بس دا اللي معطلني لحد الان

 

 

ماهي أهم الصعوبات التي واجهتها؟
الصعب اللي عدي عليا كان كتير جدا مثلا الناس ونظراتهم ليا ف بدايتي كنت بيكون هاين عليا استخبي ومحدش يشوفني لحد ما مع مرور الوقت وصلت لمرحلة اني خلاص لو قعدت افكر ف الناس وانتقداتها مش هعيش وهيأس ولو عملت لهم حساب التنمر والانتقاد مش هعمل شي بحياتي انا اشتغلت في كذا مهنه مادام حلال في الاكل البيتي،في ادارة العاب نسائيه بالسعوديه،
ف الحصر السكاني فترة التعداد السكاني تابع لجهاز المركزي للاحصاء
وفي فوتوجراف وفي مجال السياحه والرحلات الداخليه وعملت في تنظيم الحفلات والمؤتمرات
و في توزيع العسل النحل وعلي عربيه نص نقل سواق ومندوب منتجات للمحلات و توصيل السيدات مشاوير خاصه وحاليا مدربة سواقه للسيدات فقط

 

لمن توجه الشكر ؟
اوجه الشكر لاولادي اولا الي في ظهري بمساعدتهم ليا لو بابسط الامور ولو بالكلمه الطيبه حتي
ومن بعدهم اي حد قال كلمه حلوه شجعتني وحفذتني ان اصمد وافضل واقفه علي رجلي لحد دلوقت له مني جزيل الشكر والعرفان