مأساة في أسيوط.. غرق أسرة كاملة بعد سقوط “تروسيكل” في النيل
أصالة وطن شهدت قرية بني زيد الأكراد التابعة لمركز الفتح بمحافظة أسيوط، مساء الإثنين، حادثًا مأساويًا إثر سقوط مركبة “تروسيكل” في مياه نهر النيل، مما أسفر عن غرق أسرة كاملة…
بقلم ـ الشاعرة شيماء محمد بركات
هي يعنى جات عليا
ابكي يا دمعة عنيا
ع الحنين اللي اتسرق
والدموع اللي في عيني
والآهات الماليه روحي
قتلت فيا احلى سنين الذكريات
والحزن عشش بالفؤاد
وكأن عمري 100سنه
ياليل أصم
امنحني القوه والصلب
قوي عزيمتي فى الحياه
وابعتلي نجمه من عندك
تخفف عني م الاوجاع
شمس الضحى
شمس الضحى كانت شاهده
على الفرحه اللي فايتاني
تقول معلش
لا تبكي ولا تنادى بآه ياني
وليه اشكي
منا المسؤله عن جرحي
يا كل اهه حسيتها
وجعك خلاص
اصبح صديقي في العتمه
والدنيا تاخدني في متاهه
والاهات بتزيد جروح
والقلوب تجرح وتغدر
ولمين هبوح
ياعيون ملانه بالدموع
عشتي دنيا من الام
ارخي رمشك في سلام
واتسرسبي من دنيا طاغيه
شافت منام
قدام دارنا
ناصبين صوان
وناس كتيره
حتى العيال الصغيرين
ماشيين بيتسألووا
هو مين في الحته مات
والشجر والورد طارح سكات
جت ساعة الجد
شفت الميت
صوره تشبه لي تمام
الملامح والشفايف
والعيون الحزنانين
كات دايما تهرب بألامها
في ابتسامه وضحكتين
اه منك انتي يا أنا
عشتي دنيا مش بتاعتك
حلمتي ياما
انك تدوقي طعم الفرحه
اللي اتبدل بمرِّ الذات
والقطر فات
قبل ما حقق طموحي
والأحزان سكنت ضلوعي
