هاجر الشرنوبي: «اشتغلت أبيع آيس كريم علشان مصاريف مدرسة ابني.. وأبويا مـ ات على إيدي»

اصالة وطن

فنانة تكشف لحظات صعبة في حياتها الشخصية والمهنية

كشفت الفنانة هاجر الشرنوبي، عن تفاصيل إنسانية مؤثرة مرت بها في حياتها، أبرزها عملها في بيع الآيس كريم لتتمكن من دفع مصاريف مدرسة ابنها، في وقت لم تكن تعمل فيه في التمثيل، إلى جانب الحديث عن وفاة والدها بين يديها.

هاجر الشرنوبي: اشتغلت بائعة آيس كريم لسداد مصاريف المدرسة

قالت هاجر، خلال تصريحات إعلامية:

“كنت قاعدة في إسكندرية ومكنتش بشتغل خالص ولا بمثل، وكنت محتاجة أدفع مصاريف مدرسة ابني، والمدرسة كانت في شهر 9 وإحنا كنا في شهر 4.. فكان لازم ألاقي شغل بأي طريقة”.

وأضافت:

“رحت أبيع آيس كريم، ودي كانت نقطة تحول كبيرة جدًا في حياتي.. كانت فترة مرهقة بس علمتني كتير.. اتحملت المسؤولية بعد ما كنت مدلعة شوية، لكن اتعلمت أشتغل وأتعامل مع الناس”.

هاجر الشرنوبي عن والدها: مات على إيدي.. وكان دايمًا بيقولي كلمي بهدوء

وتحدثت الفنانة عن علاقتها القوية بوالدها الراحل، موضحة أن وفاته كانت أصعب لحظة مرت بها على الإطلاق.

قالت:

“بابا مات على إيدي.. ودي لحظة صعبة جدًا مش بنساها”.
كما تذكرت إحدى وصاياه المهمة، حيث قالت:
“كان دايمًا يقولي لو كبرت المشكلة هتكبر، ولو صغرتها هتصغر، اتعلمت منه الهدوء والتفكير قبل أي رد فعل”.