عريس يشوه وجه زوجته ليلة الزفاف بالجيزة
مصطفى محمد تكثف الأجهزة الأمنية بالجيزة لكشف ملابسات وتفاصيل واقعة تعدي عريس علي عروسته واحداث إصابات بوجهها ويدها بسلاح أبيض “موس” في ليلة الزفاف بمنطقة الطالبية. تلقي المقدم عبدالحميد مرسي…
نورهان محمد
أنا مش طالبة حاجة من الدنيا غير أعيش في حالي، بس سلفتي مش سايباني في حالي، وكل يوم مشكلة جديدة، وكل ده وجوزي ولا كأنه شايف حاجة«بهذه الكلمات بدأت سيدة (ربة منزل- 29 عامًا)، حديثها أمام محكمة الأسرة، بعدما أقامت دعوى طلاق للضرر ضد زوجها، بسبب تجاهله المستمر لمعاناتها مع سلفتها، زوجة شقيقه، التي تقيم في نفس البيت، وتدخلت في حياتها لدرجة كادت تهدم زواجها كما جاء في صحيفة دعواها.
تقول: «سلفتي عندها 40 سنة، جوزها شغال في دولة عربية منذ أكثر من 15 سنة، وبييجي مرة واحدة في السنة، من ساعة ما اتجوزت وأنا حاسة إنها واخدة مني موقف، كانت بتعاملني بتكبر، وكأنها صاحبة البيت وإحنا ضيوف عندها، رغم إن الشقة بتاعتنا، وكلنا قاعدين في بيت العيلة».
لم تقتصر الأمور على التوتر العادي، بل بدأت سلفتها تتعمد التدخل في تفاصيل حياتها الزوجية اليومية، وتحريض الزوج ضدها «كانت كل يوم تتكلم مع جوزي وتقول له إني مش ست بيت، وإني بتكلم كتير في التليفون، وتبالغ في أي حاجة تحصل بيني وبين أولادي، وكل ده جوزي يسمعه ويسكت، بل أوقات كان يصدقها ويبدأ يحاسبني على كلامها بدون مناقشتي».
توضح السيدة أن سلفتها الأربعينية كانت تغار منها بسبب فارق السن، خاصة أن زوج الاولى شاب وملتزم، على عكس الأخرى الذي تركها وحيدة لسنين «كانت بتقول لي في وشي: «إنتي لسه صغيرة، وعاملة زي العرايس ما هو اللي بيشوفك لازم يتجنن» حسيت إنها مش قادرة تشوفني مبسوطة في بيتي، ولا قادرة تتحمل إن جوزي بيحبني».
رغم الشكاوى المتكررة، لم يتخذ الزوج أي موقف، بل كان دائمًا يبرر تصرفات شقيقته بأنها «ست لوحدها ومضغوطة»، على حد وصفه، «أنا استحملت كتير، وحاولت أقنعه ننقل في شقة بعيد لكنه كان دايما يرفض ترك بيت العائلة، بس خلاص، بيتي بيتخرب كل يوم، وأنا عايشة في ضغط نفسي مستمر، لدرجة فقدت فيها الإحساس بالأمان، ولما الزوج يبقى سلبي وسايب مراته للناس، يبقى ليه أكمّل».
اختتمت: «طلبت الطلاق مش علشان أهرب، لكن علشان أعيش بكرامتي بعيد عن الظلم، أنا ست مش خدامة عند حد، ولا هافضل أستنى جوزي يتحرك وهو واقف يتفرج».
