كدواني محافظ استثنائي بدرجة انسان بالمنيا

جمال المنياوي

كدواني محافظ استثنائي بدرجة

من زيارة اللواء عماد كدواني محافظ المنيا أمس لمتابعة تنفيذ توجيهاته بخصوص استدامه السوق بأسعار مخفضة لخدمة أهالينا بحي ابو هلال جنوب المدينه يقابل المواطنين بأنسانيه وحب واستماع لمشاكلهم وإصدار قرارات فورية بتنفيذها من الجهاز التنفيذي والجمعيات الأهلية
والاهالي يتمنون أن تشمل زيارات المحافظ الميدانية لكافة القري وضواحي المراكز كافة فالكثير من الجهد مطلوب والكثير من أهالينا بكل ارجاء المحافظة ينتظرونه
علشان كده الأهالي يقولون ده واحد مننا واحنا منه ..كل اللي يحس بأهالينا ومعاناتهم ويحاول علي قدر المستطاع ان يخفف عنهم يبقي ده اللي يستحق يكون مسئول استثنائي.
لذا ارتفعت الأصوات والهجتاجات تتغني بعمله وانسانيته.

كدواني محافظ استثنائي بدرجة

وكان النداء بتحيا مصر بأيادي وقلوب مخلصيها ومخلصيها من كل الفسدة في كل مكان
أعان الله كل مخلص مجتهد لا يري سوي خدمة بلده وأهله في المقام الأول
كل التحية والتقدير والدعم والمحبه الخالصة للقائد المحافظ الهمام جابر الخواطر من جعل خدمه المواطن نصب عينيه وهمه الشاغل
وفقك الله وسدد خطاك وألهم جهازك التنفيذي أن يري ويتعلم من قيادتكم كيف يكون الاخلاص وكيف تكون خدمة المواطن وجبر خاطره بكل ما يستطيع التنفبذي هي محل سر العمل المحلي وهي من يبتغي اي مسئول ولاه الله رعايه قوم أن يبتغي رضا الله ثم رضا الاهالي الذي جعله الله في خدمتهم
نتمني من الجهاز التنفيذي والمعاون للمحافظ ان يدرك ويتعلم ولو بقدر انملة من الفهم والعلم أن يكون مبتغاه هو رضا ربنا ثم المواطن وخدمة اهالينا.
كما وصل من مصدر مقرب من المحافظ أن أغلب مشاريع هذا السوق بابو هلال جاءت في استجابة سريعة لتوفير العديد من فرص العمل لأهالينا والتي كانت خلال اللقاء الجماهيري الأخير وذلك بخلاف الهدف الاسمي وجود مشاريع وسلع مخفضة .

كدواني محافظ استثنائي بدرجة

المحافظ هنا بيشتغل علي كافة الجوانب مش بيفتح مشاريع أو محلات هباءا لااااا ده كمان بيوفر فرص عمل لناس من أهالينا مستحقة بالفعل وخاصة في ظل الظروف الاقتصادية الحالية
محافظ بيشتغل بألف فكر وعايز يخدم بأي شكل و نتمني الجهاز التنفيذي يفهم ده ويشتغل ويساعد المحافظ.
و نشير هنا بما إننا طالما جئنا علي ذكري لقاء خدمة المواطنين اللي كان من كام يوم بالمحافظة فهنا اللي حضر اللقاء ده يقدر يحكي ويوصف حكايات في طريقة تعامل وحل المحافظ للشكاوي
واستحملونا شوية علشان احنا بنعتبر صوتنا وصوتكم هو الإعلام البديل علشان نبرز ولو واحد من المليون من جهد واحد مخلص زي المحافظ ده .
في لقاء المواطنين مع أهالينا من مركزي العدوة والمنيا وكما روي المصدر انه مخلاش مواطن طالع زعلان القاعة كان يها قرابة آل ٢٠٠ مواطن
جلس في اللقاء من ٩ ص حتي قرب اذان المغرب كان بيفصل يصلي ويرجع
تعرف انه خلال اللقاء ده بس حل مشاكل غارمات كتير من أهالينا فك الله كربنا وكربهم وتبرع من جيبه الخاص لحالات منهم فوق ال ١٠٠ ألف متوزعه علي حالات منهم الإنسانية والمرضية وكتير وده كلام موثق مليون المائة من مصدر موثوق بيه في المحافظة ومن اللي بيستلموا شكاوي المواطنين وبيجهزوها للغرض واللي يحب يتأكد يراجع بنفسه ويشوف
ده غير الحالات اللي خلا الجمعيات الكبيرة مثل الاورمان ومصر الخير تساعدهم وتشارك في الحل
تعرف من لسان حالة إن كان فيه انسة مخطوبة وتركها خطيبها بسبب انها مقدرتش تجهز نفسها
تعرف المحافظ عمل ايه وجه بالفور الجمعيات توفر الجهاز لا مش توجيه كلام لااااا ده قالهم بالنص والحرف الجهاز يوصلها النهاردة ايوووة تجهز بكل اللي عايزاااه النهاردة وقالها ثواني وقدام كل الحضور كلم لها مسئول ووجه تتعين في فرصة عمل تقدر تساعدهاو كمل وقالها فين تليفونك قالتله سايباه خارج القاعة قالها هاتيه واطلبيلي خطيبم هذا ما حصل بالضبط من تليفونها كلم خطيبها علشان يرجع وحل المشكلة بشكل مكنش لا فيه انسان ولا عقل يصدق باللي كان حاصل قدامنا
تعرف فيه حالة من أهالينا سيدة مثل أمهاتنا كبيرة السن وحركتها بطيئة كانت جاية تشتكي بسبب ان السكان حواليها بيرموا الزباله قدام شقتها علشان هي دور أرضي ومش عارفة تعمل معاهم حاجة
تعرف المحافظ عمل ايه مخلهاش كملت ولا تعبت نفسها في الشرح
وجه قدامنا كلها رئيس الحي يتفضل ياخدها بسيارة العمل ويفحص شكوتها ويحلها
لا دنا هزيدك من الشعر بيتا مش يسكت لا نده عليها وهي ماشيه وجاب رئيس المجلس نفسه وقاله انت المسئول قدامي عن الست دي إن لازم يعمل ضبط للناس اللي بترمي الزباله قدام شقتها وقاله تبات حتي بس تضبط الناس دي ويتعملهم محضر محترم علشان يبقوا عبره ويحترموا آدمية وسن ام كبيرة زي دي عايشة لوحدها وربنا يعينها
تحب احكيلك قصص ولا في الخيال في طريقته لحل المشاكل مع الناس
تعرف وجه بمساعدة كام سيدة من أهالينا امس وقال للتموين والتضامن يعمل لهم مشاريع تساعدهم في الصرف ومش كده وبس ده كل المنتجات التموينية والغذائية اللي هيشتغلوا بيها ياخدوها مجاااانا اول مرة ويبقي يسدددوا بالراحة جدااااا علي أقساط مخفضة سعرها وتخلص وياخدوا غيرها
عارف التفكير اللي خارج الصندوق
تفكير انسان استثنائي خارج الصندوق في طريقة حله للمشاكل وجبره لخاطر أهالينا ومساعدتهم
تعرف انه بسبب شيخ مسن جاي من العدوة بسبب إجراءات متعطلة شوية بسبب محاضر بناء أو ليه ورق في أملاك الدولة
تعرف٠ المحافظ عمل ايه في رئيس المدينة قدام الكل في الراجل بتاعه والتنفيذيين قالهم مشكلة كان ممكن تتعرض عليا من قبلكم دون مشقة وعناء هذا المسن اللي تكبد تعب وجهد ومصاريف علشان ييجي يشتكي
مش عايز اقولك حوالي ربع ساعة بس مضايق وبيشد علي البهوات التنفيذيين بسبب روتينهم وعدم تفكيرهم انهم ازاي ييسروا ويساعدوا الناس من غير تعب بسبب الشيخ المسن ده وكم حاله مماثلة ليه شن حرب علي التنفيذيين كلهم اللي كانوا حاضرين بسبب روتينيهم وعدم مرونتهم ومساعدتهم في حل مشاكل أهالينا
متوعدا لهم ان اللي مش قادر يساعد ويحل ويتفاعل ويخفف عن أهالينا يتفضل يستغني عن منصبه

مهما قولتلك الكلام اللي بيحصل مع المحافظ ده ما اظنش حصل ولا حد شافه ولا فيه مسئول يجرؤ يعمل اللي بيعمله المحافظ ده من خدمة ومساعدة وحل للمشاكل بشكل غير تقليدي نهائى

يبقي لينا حق نقول ونقول ونفضل ندعمه ونشجع كحق ليه زي ما احنا لينا حق عنده انه يحط أهالينا ومساعدتهم وجبره لخواطرهم في عنيه

وده والحمد لله اللي شايفينوا واقع مش كلام واقع ويقدر اي مشكك يتوجه لإدارة خدمة المواطنين دقائق ويشوف ويسمع بنفسه من أهالينا وحكاوبهم عن المحافظ ده ودعائهم اللي طالع من قلبهم ليه

ربنا يتقبل منهم وربنا يعينه ويساعده لانه بيشتغل لوحده ويحارب وسط ميدان مليان ناس متراخيه ومهملة وفسده في كل مكان

ربنا يعينه ويقويه والله
وله منا كل التقدير والاحترام والدعم والمساندة دايما طول ما هو أهلنا وناسنا وخدمة بلدنا هي شغله الشاغل.

أقرا أيضا

ضمن مبادرة ” بدايه”.الكشف علي 620 مواطن بالقافلة الشامله لجامعة المنيا بالتعاون مع وزارة الشباب بقرية الإدارة بملوي

محافظ المنيا يتفقد“سوق اليوم الواحد” بمنطقة أبو هلال ويوزع سلع غذائية بالمجان على أهالي المنطقة

حملات رقابية مكثفة على المخابز والأسواق بمراكز المنيا