فى غياب الرقابة المرورية: سائقو التاكسيات و الميكروباصات بالمنيا لايلتزموا بتعريفة الركوب المقررة

جمال المنياوي

فى غياب الرقابة المرورية

في غياب الرقابة المرورية وإدارة المواقف بالمنيا نحو التزام السائقين بتعريفة الركوب التي قررتها المحافظة بعد الزيادة الأخيرة للمواد البترولية ورفعها علي المواطنين مما ادي الي حدوث مشاجرات بين الركاب والسائقين لاصرارهم علي فرض أجرة بأهواء شخصية عليهم .

قال أحمد علي في ظل الظروف الاقتصاديه الصعبه يستغل سائقو التاكسيات و الميكروباصات الأهالي بحجة عدم تواجد فكه برفع قيمة تعريفة الركوب التاكسي المقرره ب13 جنيه الي 15 جنيه و الميكروباص من 3.5 جنيه الي 4 جنيه ولو سأل الراكب عن باقي المبلغ يرد عليه بعدم وجود فكه أو هات فكه وكلها اعمال للتحايل لتثبيت التعريفة التي يرغبون في تثبيتها في حين أن التاكسي في المشوار الواحد يقوم بركوب 3 أو 4 مشاوير لو في اتجاه واحد وهذا يرجع لضعف الرقابة المرورية والمواقف لضبط التعريفة المقرره.

فى غياب الرقابة المرورية

وتقول سيده محمد ربة منزل أنا ركبت تاكسي وكان معي 12.5جنيه رفض التاگسي أخذهم وطالبي ب13 جنيه وكان معي 100 جنيه فأخذ 15 ورد 85 جنيه وعندما سألته أنه رفض يأخذ الاجره ناقصه خمسون قرشا واستخل يأخذ جنيهات زياده وبأسلوب مستفز قال أنا بأخذ 15 جنيه ذي غيري.

تعديل..وتم عمل محضر
وقالت ولاء محمد ركبت تاكسى من ابراج الميهوب بشارع طه حسين وقولتله مضرب الرز قالى قال اتفضلى بعد ما ركبت ومشى شويه قالى الاجره 45 جنيه قولتله ازاى يعنى

دا اناشخص واحد حتى ومن امته 45 قالى بقت من العصر كدا وان مشوارك بعيد قولتله لا الاجره 13 زى ما هى وان لو حضرتك صح ممكن نشوف ظابط مرور فسكت وانا سكت

وشاورتله بنت من شارع عدنان قالتله شلبى يعني هيرجع يبحر فقال ان هوصلها وأخذ الطريق الزراعى لاوصلك مشوارم
البنت قالتله هنزل فى نص شارع العزيزى

ويارب تكون معانا في الجروب وتشوف البوستفالبنت دفعت 15جنيه لمشوارها وانا دفعت 20 جنيه لاقيته بيقولى عايز 25 تانى
البنت قالتله نعم قالها بكلم اللى قاعده ورا

فانا قولتله لا انا اللى محتاجه 5 جنيه رد وقالى ان شاء الله
واول ما وصلت قولتله عايزه الباقى قالى لا مافيش باقى ولسا عاوز 25 تانى قولتله لا مش هنزل غير لما اخد الباقى

وتبقى انت خدت حقك قالى لا انا حقى اخد 10 كمان قولتله طيب يلا بينا نطلع على الشرطه راح حدف ال 20حنيه في وجهي وقالى لا مش عايز اتفضلى ال 20 بتاعتك اهى قولتله خد اجرتك بعدها فضل يقول كلام مش كويس خالص
دا غير انه بنى ادم مستفز وقليل الادب واتمنى يكون حد يعرفه لان استحاله دا يكون انسان طبيعى اكيد متعاطي حاجه وشغال ياكل فى لب بإسلوب مستفز
المهم انا خدت الباقى وصورته اثناء لما كان مصمم على ال 45 ومالحقتس اصور التاكسى كويس لان بعد ما نزلت شافنى وانا بصور مشى بسرعه جدا بس اخذت رقم التاكسى ن ر أ 4931 وحذرت من عدم الركوب معاه واضافت بأنلو وجدت رقابة شديدة ومحاسبة هؤلاء العابثين لالتزموا بالتعريف المقررة ومحاسبة الجشعين.

اقرا ايضا:

قطع الكهرباء ٦ ساعات عن بعض الأماكن بمدينة سمالوط بالمنيا

رئيسة المجلس القومي للطفولة تلتقي محافظ أسيوط لبحث سبل دعم قضايا الطفل بالمحافظة

“بسبب ماس كهربائي “تفحم سيارة أثناء سيرها في أسيوط