صاحبة فيديو رقص حفل التخرج أنا معملتش حاجة غلط وكلام الناس صدمني

أصالة وطن

كشفت سمر عنتر طالبة خريجة كلية التربية الرياضية بجامعة الرياضية، والتي تصدرت التريند على مواقع التواصل الاجتماعي خلال الساعات الأخيرة، بسبب فيديو لها أثناء رقصها في حفلة التخرج.

وقالت سمر عنتر خلال مداخلة هاتفية مع الإعلامية عزة مصطفى ببرنامج «صالة التحرير»، والمذاع على قناة صدى البلد، إن فيديو رقصة التخرج ليس عارًا أو عبء عليها، ولكن تعليقات رواد مواقع التواصل الاجتماعي سبب صدمة وانهيار لها لأنها لم تخرج عن المألوف.

وتابعت سمر: أنا خصيمة أي حد اتكلم عني أو اتكلم في شرفي، أنا طالعة أتكلم النهاردة علشان خاطر أهلي، يوم التخرج دا المفروض يوم ذكرى جميلة، بسبب كلام مستخدمي السوشيال ميديا تحول لذكرى مش كويسة.

وأتابعت: «هو كل اللي تصدر التريند بقي بطل أو مشهور، أنا الموقف دا مش خرجت فيه عن النص أو تجاوزت، لبسي محترم ومش في خروج عن النص، أنا مش وحدة وحشة أنا بطل تايكوندو، ومدربة كمان».

كما انهارت سمر عنتر بالبكاء أثناء حديثها مع الإعلامية عزة مصطفى، لترد الأخيرة عليها قائلة: «من حقك تفرحي وتعيش اللحظات الحلوة دي، أنا مش عايزكي تعيطي ولا تبكي أنا بحضنك وببوسك، ربنا ياخد كل شخص ييشهر بأي حد، أو يأذي أي شخص أو يكون سبب في أذيته، ربنا ينتقم منه، حقك على رأسي يا سمر».