كتبت :عبير فتحى
اشتعلت مواقع السوشيال ميديا بالحديث عن شاب، يدعى إبراهيم شريف البالغ من العمر 17 عامًا، بعدما ألقى نفسه في النيل أسفل الكوبري العلوي بقرية فارسكور التابعة لعزبة السرايا، بمحافظة دمياط.
ووجه الشاب إبراهيم، رسالة مؤلمة قبل انتحاره لكل أسرة تقسو على أبناءها، قائلاً: “الحمد لله جه اليوم اللي هموت فيه.. بس للاسف هموت منتحر والسبب هو أبويا بلا فخر.. حبيت أقول 4 رسائل قبل ما أموت.. الأولى: رسالة للأباء”أوعى تنيم أبنك في يوم زعلان وأنا الحمد لله مفيش يوم نمته وانا مش زعلان”..الرسالة الثانية: “الناس اللي متجوزين كلهم أوعوا تحسسوا أولادكم أنهم ملهمش حد.. وأنا الحمد لله مليش حد غير ربنا”.. الرسالة الثالثة: لعمي إبراهيم ثم عمي رضا ثم بقيت أعمامي خلو بالكم من أمي وأخواتي”.. الرسالة الرابعة: “لحبيبتي أسف أسف أسف إني مكنتش أد وعودي معاكي أنا لو لفيت الدنيا مش هجيب زيك.. وأدعي لبابا ربنا يهديه هو السبب في موتي”.
أثارت رسالة الشاب المنتحر مشاعر الحزن الممزوج بالغضب لرواد السوشيال ميديا، حيث علقت شيماء شومان: “يا رب ارحمه وأغفر له أنه عبدك ضعيف وأنت ألطف به منا ومن والديه أرحم ضعفه وقله حيلته فرحمتك أوسع من الدنيا وانتقل إليك لرحمتك دون تفكير ولا انتظار اللهم أغفر له ويسكنه فسيح جناتك ويلهم أهله وأمه وإخواته الصبر والسلوان”.
وكتب بيلر علي، أحد رواد “فيس بوك: “ربنا يرحمه ويغفر له ويسمحه وحسبي الله ونعم الوكيل في كل أب ظالم مش عارف يعني إيه تربية ولا احتواء ولا دين هو أكيد الأب عايزه أحسن بس في أسلوب في التعامل وسن المراهقة صعب ربنا يغفرله ويسمحه”.
وعلقت نهال حسن: “لا اله الا الله ربنا يرحمه ويغفر له يارب .. أي حد بيفتكر القسوة والضرب تربيه يبقي أكيد محتاج يتعالج نفسيا القسوة والضرب مش بيربيه لا ده بيبعد أبنك عنك ومش هيكون حنين عليك باختصار.. اللي بيزرع حاجة بيحصدها والولد ده ذنبه في رقبة باباه حسبي الله ونعم الوكيل”.
وكتب حمدي السيد: “مبدأيا الدنيا دار بلاء واختبارات وصعوبات ، والراحة لمن عمل صالحاً للدار الأخرة، كلنا بنمر بصعوبات و كطبيعة الدنيا و حكمة ربنا و رحمة لا تُكلف نفساً إلا وسعها، وإذا مر بصعوبة وبلاء استعن بالخالق وليس المخلوق، ولا تقنط ولا تيأس، محدش حر في نفسه إحنا عباد واتخالقنا لنعبُد الله الخالق القهار، استقيموا يرحمكم الله
