جمال المنياوي
مصر ولاده بأعمال الخير سبق وأن قام الأهالي بوضع ثلاجه بكل حب لتضع كل أسرة مايزيد عن حاجتها من الطعام والفواكه داخل الثلاجه وكتب عليها خد مايكفيك واترك الباقي لأخيك وتم تعميم التجربة في أكثر من مكان .
وعلي نفس النمط الخيري واحد صاحب سوبر ماركت بمركز أبو قرقاص بمحافظة المنيا عامل حاجه جميله من اجل خاطر الاطفال اللي بيروحوا المدارس والاهالي اللي ما بتقدرش على المصاريف
مجهز اطباق سندوتشات وبكل طبق فيه ثلاث ساندوتشات ساندوتش لانشون وسندوتش جبنه تركي وسندوتش حلاوه طحينيه
كل ده ب 5 جنيه وتم دعمه علي صفحات التواصل الاجتماعي الفيس بوك في جروب اخبار ابوقرقاص
والقائمين علي الصفحة يطالبون بتبني الفكره لتصل لاصحاب السوبر ماركات و فرن الفينو ليتعاونوا مع بعضهم ويعملوا الفكره دي بجد حاجة جميلة
وينزلوا برده على الجروب مكانهم واسم المحل اللي هيعمل كده وربنا يجعله في ميزان حسناتكم جميعا .
