خلافات الميراث تدفع ربة منزل لإلقاء نفسها في النيل.. الإنقاذ النهري يتدخل
كتب: أحمد علي البدري شهدت مدينة طما بمحافظة سوهاج حادثة مأساوية، حيث ألقت ربة منزل بنفسها في مياه نهر النيل أثناء استقلالها مركب، بسبب خلافات حادة مع أشقائها حول الميراث.…
الكاتبة/منار عبد الهادي
أنا مينفعش اطلب منك تحب حد انت متعرفهوش، صح؟ .. لازم تعرف الحد ده عشان تحبه ..
طيب عارف لو حبيته ايه هي الثمرة اللى هتاخدها؟! بص، هتاخد حاجتين .. أولا قال رسول الله صلى الله عليه وسلم “”مَا اخْتَلَطَ حُبِّي بِقَلْبِ عَبْدٍ فَأَحَبَّنِي إِلا حَرَّمَ اللَّهُ جَسَدَهُ عَلَى النَّارِ”” لو بتحبه مش هتدخل النار أبدا مش ممكن، اللى يحب النبى بجد مستحيل يدخل النار، وتاني حاجة قال النبي صلى الله عليه وسلم “من أحبنَّي كان معي في الجنة ” فلو أحببت النبى أبشر أبشر بكل خير 😊
طيب ندخل بقى على السيرة أكتر .. مين هو؟
اسمه محمد بن عبد الله بن عبد المطلب بن قصيِّ بن كلاب بن مُرة بن كعب بن لؤي بن غالب بن فهر، والفهر هو قريش، يعني لقبه قريش، فالنبي قرشى
طيب نقرب أكتر، هنتكلم يومين او ثلاثة كده قبل ما ندخل فى تفاصيل حياته عن حب ربنا والصحابة وزوجاته له ونعرف انه كان أحب الخلق لقلبهم عن طريق شوية مواقف كده حصلت على مدار حياته..
يللا نبدأ ب
*حب الله عزوجل للنبى
فيه حديث بعض الناس ضعفته لكن المعنى صحيح
ءادم عليه السلام لما أكل من الشجرة وكاد أن ينزل من السماء فوقف كده و رفع رأسه و قال : يارب أسألك بمحمد ألا غفرت لي!! فربنا قاله: يا ءادم وكيف تعرف محمد ولم أخلقه بعد!! .. فسيدنا ءادم قال: يارب رفعت رأسي فرأيت مكتوبا على قوائم العرش “لا إله إلا الله، محمد رسول الله” فعلمت أنك لم تقرن اسمك بأحد إلا ولو كان عظيما عندك، قال جل وعلا: أجل يا ءادم هو أحب خلقى إليّ وأكرمهم علىّ، يا ءادم ولولا محمد ما خلقتَك .. صلى الله على محمد صلى الله عليه وسلم 🙂
ومرة النبي قاعد فى المسجد النبوي ولقى صحابي معاه ابنه .. الصحابي ده بيحب ابنه أوي فعمَّال يضحكه ويلاعبه ويكلمه فالنبي عليه الصلاة والسلام مبسوط شايفه بيلاعبة وفرحان بيه، قام النبي عليه الصلاة والسلام قاله: أتحبه؟! فقاله الصحابي: يا رسول الله أحَبَكَ الله كما أُحب أنا ابني هذا، فابتسم النبي وقال: لا والله لإن حب ربي إلىَ أكثر من حبك لولدك هذا ❤
نكمل الحلقة الجاية ان شاء الله 🙂
