رسالة شديدة اللهجة من ياسمين عز لشخصية مجهولة: كرامتك بلاستيك ومحتاجة علاج
كتبت اصالة وطن
الإعلامية ياسمين عز وجهت، رسالة شديدة اللهجة لشخصية مجهولة لم تذكر اسمها، مؤكدةً أنها لا تسعى لخراب البيوت، كما يفعل البعض، كما أنها يمكنها أن تدعس أي فرد من أجل الرجل أو الفرعون الصغير الكبير كما تطلق عليه.
وكتبت ياسمين عز، منشورا عبر حسابها الشخصي بموقع فيس بوك، يحتوى على كرامة إيه يا أم كرامة بلاستيك أطرافها مطاط، تمط وتنكمش حسب المصلحة والظروف المحيطة.
كما ستكملت ياسمين عز: مدام بليز كرامتك وقعت منك آخر مرة هناك، ابعتي عبد مظلوم من عندك يجيبها قبل ما تسيح فالشمس، واحكيلنا بالمرة قواعد بيات المرأة الأربعين برة بيت الزوج من غير إذنه.
وقالت أيضا أنا أدوس على أي حد عشان خاطر الفرعون الصغير الكبير
كما أضافت: سلينا كده في الإجازة لأنك شطبتي محتوى وبقيتي مملة، حتى في تلقيحك مملة، زيرو محتوى زيرو أنوثة، بس الأمانة استرجال ليڤل الوحش، ده أنا مش بس أدوس على الفساتين الماركات ده أنا أدوس على أي حد علشان خاطر الفرعون الصغير الكبير، بعمل ده فى الحياة العادية وبقوله في العلن.
وانما بقى لما يكون في خرابة بيوت بتبوس الجزم في السر وتعمل فيلم مظلوم، وتطلع فالعلن تحكيلنا مأساة المرأة الإغريقية، كده إنتي محتاجة علاج يا مدام، روحي اتعالجي، في تشوهات نفسية وشياط وغيرة ويأس بدأ يتجلى ويتفشى ويترعرع في الأنحاء.
واختتمت حديثها قائلة: بلاش نشغل أسطوانة المرأة الحديدية، علشان المرأة نفسها لو عرفت إنتي إيه هيجيلها صدمة دماغية حضارية، جربي حطي اسمي تاني في تلميحات أو تلقيحات، علشان هنتفرج كلنا وقتها أنا هدوس على إيه تاني غير الماركات، وهو بالمرة نحكي الحكايات، ونسلي الناس في الإجازات.
