الرئيس السيسي يزف بشرى سارة للمواطنين: هندفعلكم أكتر

كتبت اصالة وطن
قال الرئيس عبد الفتاح السيسي، اليوم الأربعاء، إن الحكومة اتفقت على إعلان أسعار ضمان لبعض المحاصيل الزراعية، مع ربطها بالأسعار العالمية.

أسعار ضمان لـ 4 محاصيل
وأضاف الرئيس السيسي خلال كلمته في افتتاح مجمع الأسمدة الأزوتية بالعين السخنة: “احنا كحكومة اتفقنا على إن نعمل إعلان أسعار ضمان لـ 4 سلع، القمح والذرة والفول الصويا وعباد الشمس”.

الرئيس: “بطمن الناس، والضمان يعني الحد الأدنى للدفع.. لو السعر العالمي أكثر هندفع أكثر.. لو القمح تعاقدنا على رقم.. ده الحد الأدنى.. طب زاد القمح هنشتري بالسعر وقت الحصاد.. بأكد على النقطة دي لكل القمح والذرة والفول الصويا وعباد الشمس”.
بقول للفلاحين والمزراعين، الأرض اللى معاكم غالية جدا جدا جدا استفيدوا منها، بدل التعدي عليها.. العالم كله عنده مشكلة في الإنتاج الزراعي والطلب بيزيد علشان النمو السكاني، أرجو أن نخلي بالنا ونخدم عليها علشان تجيب خير الفترة الجاية”.