كولر معلقاً على أداء اللاعبين الشوط الأول” احنا مبدأناش كويس”.
كتب احمد على البدرى
قال مارسيل كولر معلقاً على أداء اللاعبين ، عقب انتهاء المباراة التي جمعت بين النادي الأهلي و أوكلاند سيتي ، مساء اليوم الأربعاء ، على أرضية إستاد طنجة المغربي.
قائلاً:”إحنا الشوط الأول مبدأناش كويس ، مبدأناش زى ما انا عايز ، وكان عندنا بعض المشاكل ، حتي أن جاء الهدف الأول أصبح عندنا ثقة كبيرة “.
مضيفاً:” وأول ما دخلنا الشوط الثاني بدأنا نلعب كويس نلعب الكوره بتاعتنا ، والفريق المنافس بدأ هو اللى يجري عشان هو عايز يبقى ليه رد فعل ويفتح خطوطه ، بدأنا احنا نعاقبه ونسجل أهداف كتير لاكن الشوط الأول مكنش مرضى “.
متابعاً:” و انا قولتهم بين الشوطين أن إحنا نحول طريقة الضغط الأمامى لمنطقة خط الوسط لنجبر المنافس أنه يجري اكتر يتعب اكتر ، عشان هو اللى عايز يرجع النتيجة ، يفتح خطوطه اكتر ، واحنا لما نستلم الكوره نعمل هجمه عشان كدا سجلنا أهداف كتير و نجحنا ، واللاعيبه نفذت التعليمات “.
مختتماً:” حصلت على مباريات للمنافس القادم ؛ عشان اتفرج عليها ، عشان نجهز فرقتنا للمباراة القادمة”.
كان النادي الأهلي قد لعب اليوم أولى مبارياته في بطولة كأس العالم للأندية ، وإستطاع أن يحقق فوزاً كبيراً على نظيره أوكلاند سيتي ، بثلاثية نظيفة ، في المباراة التي جمعتهما مساء اليوم الأربعاء ، على أرضية إستاد طنجة المغربي .
