غير مصنف
ما رد رحيل ذكري علي تدخل ريهام سعيد في حياتها ؟
كتبت : رانيا مصطفي
علي هامش الأحداث الجارية ما بين الفنان محمد الشقنقيري والموديل الأردنية رحيل ذكري حيث ذكرت رحيل أنها متزوجة من الشقنقيري ,وهو ما انكره الفنان ,نشرت الإعلامية ريهام سعيد عبر صفحتها علي الفيس بوك معلقة علي الموديل الأردنية رحيل ذكري قائلة ” معلش مش قادرة اسكت .رحيل ذكري ,ليه خراب البيوت ؟ ليه تجرحي واحده مالهاش ذنب في اي حاجة وجعتيها اوي اوي .كنتي موافقة تبقي العلاقة في السر تطلعي فيديوهات خاصة لواحد من غير موافقته حتي لو كان جوزك ازاي ؟؟؟؟بجد حرام الي الناس بتعملوا في بعض ده .لينا رب اسمه الكريم .
رداً علي ذلك قامت رحيل ذكري بنشر فيديو عبر حسابها على موقع “تيك توك” ،و قالت من خلال الفيديو :” أنا شايفه إنك بتدخلي فيما لايعنيكي، و مش قابلة تصريحاتك عني انتي إيش دخلك بالموضوع ،ده شغل عواجيز الفرح ،داخله تعرفيني الحلال إيه و الحرام إيه مكنتيش تعرفي الحرام في البرامج بتاعتك اللي كانت بترعب أطفالنا و فيها حاجات مزيفة ملهاش أي صحة من الأساس”.
و أضافت :”مش قادرة تسكتي عن صمتك إبلعي مياه و خلي صمتك جواكي ،و مين قالك إن أنا اتجوزت في السر ،بالمنطق ما أعلنتش الجواز و جايه أعلن الطلاق ،أنا كنت متجوزة في العلن مش في السر و أي حد هيكتب كنت متجوزة في السر هقاضيه”.
و اختتمت قائلة : أنا كنت متجوزة رسمي الفرق الوحيد إني مارضيتش أوثق الجواز عشان خاطر أولادي عايزاهم يفضلوا معايا، و لما محمد طلب مني أشيل البوست اللي أعلنت فيه زواجنا عشان المشاكل أنا شيلته”.
