بقلمى خواطر د / حسناء احمد (نسمة صيف)
بقلمى خواطر حسناء احمد (نسمة صيف)
نسمة صيف معديا
شدت روحي وعنيا
سهرتني طول لياليا
مديت ليها ايديا
..
المسا واحس بيها
لقيت كتير حواليها
الكل بيجري عليها
الكل نفسه يلمس ايديها
…
يا تره يا نسمه جايه
جايبه ذكره فات عليها كام سنه
جايبه معاكي فرحه ولا دمعه
جايبه جرح ذكره، ولا أمل لبكره
…
سبت شعري ليكي
تداعبيه بهواكي وياه احساسي
بيوم عدا عليه زماني
وفكرني باللي كان، وفين مكاني
..
وسط افراحي وجراحي
وسط حنيني وانيني
وسط ضحكتي ودموع عيني
…
فكرتني بزمان عدا وفات
يا تره هيرجع ولا خلاص مات
نفسي تنسيني طعم الآهات
نفسي اخرج من السكات
….
يا نسمه حلوه، لطيفه وجريئه
نسمه صافيه ورقيقه
نسمه متقولش غير الحقيقه
نسمه بجد صافيه وبريئه
…..
نسمه نفسي اطير معاها
نفسي اسيب روحي لهواها
نسمه بجد بطلب رضاها
نفسي اسيب روحي واروح وراها
….
يا نسمه قولي لي انا مين
قوليلي دلوقت انا فين
في الجرح والانين
ولا الفرح والحنين
….
خايفه اكون عايشه وهم
خايفه عقلي يكون أساء الفهم
وينقلب فرحي لألم وهم
قولي لي يا نسمه ايه الأهم
….
حلم عمري اللي عيشت ليه
ولا يوم عدي ندمت عليه
ولا شئ مش فاهمه معانيه
قوليلي ايه اللي انا فيه
….
نفسي افوق واصحى وأطول
حلم ليالي حلمت بيه على طول
يا تره هجني من حلمي محصول
ولا هقوم من حلمي عاجز مشلول
……
نفسي افك من أيدي القيود
نفسي الاقي لاسئلتي ردود
نفسي حلمي ميكونش له حدود
حلمي بعلمي وفك القيود
……
