ابن شقيق وائل الابراشي لشعبي اف ام : عمي كان محباً لكل اللي حواليه وأسرتنا مترابطة و كلها ايد واحدة

رانيا مصطفي

قال المنتج حسن أحمد الإبراشي ابن شقيق الإعلامي وائل الإبراشي إن عمي الإعلامي وائل الإبراشي رحمة الله عليه.. كان محبا لكل اللي حواليه وللهزار.. وكانت كلمته دايما “إنت فين يا فنان؟!، جاء ذلك خلال لقاءه لبرنامج عيلتي وأفتخر علي شعبي FM والبرنامج من تقديم حازم قابيل .
و أضاف إحنا من شربين ..منصورة دقهلية من ميدان المحطة… وإحنا عائلة معروفة جدا هناك، ووالدي الله يرحمه كان عنده مكتبة عظيمة جدا، وأستاذ وائل كان يحب القراءة جدا وأعتقد أن الفضل يرجع لوالدي؛ لأنه الأكبر وعمي وائل الأصغر سنا.. وأرجح أن هذا السبب وراء حبه للصحافة.
وتابع الأسرة عندنا دايما كانت مترابطة وكويسين مع بعض، وكلهم يد واحدة، و كان عمي رحمة الله عليه بينزل البلد، وإحنا كمان كنا بنتقابل هنا في القاهرة أو في شربين.
واختتم قائلا العيلة كانت مشجعه له لما شق طريقه.. حاول في البداية في المحاسبة ثم حلم إنه يسافر برة، لكن ربنا كان شايل له شغله في الصحافة، و الصحافة والتلفزيون مش حاجتين بعيدين عن بعض، وعمي كان مشهورا في الصحافة والإعداد قبل التقديم، و عيلتنا مشهورة بالكرم وإنهم ناس طيبين جدا، والمنصورة بلدي وأفتخر، ربنا يبارك في عيلتي ويكتب لنا المحبة والرزق، ورمضان كريم علينا كلنا.