عميدووكيل وامين كلية الطب البيطري بالمنيا ينقذون طلاب من تأخيرهم عن اداء الامتحان
كتب : جمال المنياوي
متصورين إن عميد كلية الطب البيطري بالمنيا ووكيل الكلية وأمين الكلية سارعوا الزمن اليوم من اجل ان يلحقوا بجيبوا طالبات من السكن عشان يلحقوا الامتحان !!
الدكتور معتز عبد الرحمن عميد طب بيطري المنيا والدكتور صفوت علي وكيل الكلية لشئون التعليم والطلاب و اشرف نصرت أمين الكلية
ودي القصة ترويها نوران احدي الطالبات المتأخرات عن تأدية الامتحان
قالت نوران وهي تحكي الموقف الذي حدث لهم اليوم بان الموقف الذي حصل لنا النهارده يمكن لو كنت في كلية تانيه غير بيطري المنيا مكنش ده هيحصل ..
النهارده اتقفل علينا باب السكن حد نسي المفتاح من بره واحنا جوه مش عارفين نفتح ومش عارفين نتصرف وبقالنا حوالي ربع ساعه بنحاول نفتح ومستنين اي حد يعدي في الشارع يحوشلنا المفتاح من بره ولحظنا مكنش فيه حد في الشارع خالص ونرن علي صاحب السوبر ماركت اللي تحت السكن مش بيرد لغايه ما جت الساعه ١٠ الا خمسه كلمت دكتور معتز (عميد الكليه) علي اساس اننا ممكن نتأخر ربع ساعه عشان الباب مقفول علينا ومش عارفين نعمل اي شئ وكلنا بنعيط
دكتور معتز فضل يهدي فينا ومفيش حاجه هتحصل وقالي دكتور صفوت(وكيل الكليه) هيركب وهيجيلكم يفتحلكم الباب متقلقوش
وقد كان. دكتور صفوت وكيل الكلية من ساعه ما طلع من باب الكليه وهو معايا ع التليفون بوصفله مكان السكن هو وا اشرف امين الكليه وبيهدي فينا عشان منتوترش عشان الامتحان لغايه ما وصل وفتحلنا الباب ومفيش ثواني ورن دكتور معتز وفضل معانا ع التليفون لغايه ما دكتور صفوت وصلنا الكليه بعربيته وكان دكتور معتز واقفلنا ع الباب عشان يدخلنا اللجان ودكتور صفوت وصل البنت اللي كانت معايا لباب المدرج
حقيقي احنا لو كنا في كليه تانيه غير بيطري المنيا محدش كان هيعمل اللي عميد ووكيل الكليه عملوه وكمان استاذ اشرف امين الكليه وانا وصحابي حرفيا عاجزين عن شكرهم
