“ايمان مصممة” الهاند ميد (لأصالة وطن)طموحاتي عديدة واسعي لتحقيقها واهمها التصدير لدول العالم .

 

حوار هاجر عبد العليم

 

 

“ايمان مصممة” الهاند ميد (لأصالة وطن)

 

ايمان خالد مصممة الجلود تبلغ من العمر ٤٠ عاما من محافظة الإسكندرية، درست تجارة .. نموذج مشرف لكل فتاه مصرية وعربية أستطاعت بمجهودها وإصرارها علي النجاح والتفوق أن أن تكون متفرده في هذا المجال ،وحققت نجاح كبير رغم الصعوبات التى واجهتها وشاركت في مسابقه الكروشيه وحصلت علي المركز الاول ،ومن أهم الأدوات التي تستخدمها في شغلها هو الجلد الطبيعي ،ومازال لديها أحلام وأهداف كبيره تسعي لتحقيقها وهي أن تصدر شغلها إلي جميع الدول العربية والعالميه ولهذا كان لاصالة وطن هذا اللقاء.

 

 

 

 

 

“ايمان مصممة” الهاند ميد (لأصالة وطن)

 

 

 

موهبتها بدأت منذ الطفوله والدتها رحمها الله كانت محبه لشغل الهاند ميد سيرما والكانفا وكنت أشاهدها وهى تعمل وكنت محبه لهذا و لشغلها كنت صغيرة وبعدها كبرت ونسيت الموضوع واخذتني الحياة والدراسة وكنت بتمنى ادخل كلية فنون جميلة او كلية فنون تطبيقية لانها محبه للموضوع وبعد فتره نسيت وقررت اعمل حاجه بحبها واشتغلت في البداية فى فن الكروشيه اول قطعه عملتها دخلت بيها مسابقه وكسبت المركز الأول الحمد الله ومارست الكروشيه لمده ٣سنوات ودربت اطفال كمان كنت بعلمهم فن الكروشيه بعد كده شدنى الجلد الطبيعي جدا كنت عاوزة اعرف انا ممكن اعمل لنفسى شنطه فعلا بايدى دورت كتير على أماكن اتعلم فيها ووصلت لناس كتير في البداية كان التعليم مش سهل لحد مادخلت المجال بالمعافرة والمصابرة واتعرفت على اصدقاء من الفنانين وساعدونى كتيرا في البداية جزاهم الله عني كل خير لحد متعلمت ودلوقتي احترفت مهنه الجلود وتصنيع المنتجات الجلد الطبيعي بحرفيه يدويه عاليه بفضل الله ثم فضل أصدقائي الغاليين وعملت براند خاص بي وسميته على اسم امى الغاليه لانى مدينه بفضلها لان بسببها حبيت شغلى براند اسمه بدارة هاند ميد بس لسه احد دلوقتى بتعلم اكتر وبطور نفسى وشغلى لحد ماوصل للمستوى إلى بتمناه في شغلى.

 

 

 

 

 

 

 

 

“ايمان مصممة” الهاند ميد (لأصالة وطن)

 

وبتمنى افتح ورشه تصنيع خاصه ومركز ادرب فيه فأى ست عاوزة تتعلم حرفه يدويه.

 

 

 

 

 

 

“ايمان مصممة” الهاند ميد (لأصالة وطن)

وعن أهم الادوات التي تستخدمها قالت ايمان طبعا الجلد الطبيعي فهو بحر واسع وادواته كتير جدا و بحاول على قد مااقدر اوظف كل هذه فى عملى أن اعمل بيها المنتج المناسب.

 

 

 

 

 

بدايه من الباترون المرسوم يدوى إلي أن يخرج المنتج للنور الذي بياخد مراحل كتير جدا وكل مرحله بيستخدم فيها أدا.

 

 

 

 

 

 

وعن أهم أهدافها قالت أن أطور من نفسى وعملي اكتر وكل عام أقارن نفسى بالعام الذي يسبقه وأري ما حققته فيه وماذا طورت إلي الأفضل ومازلت بتعلم.

 

 

 

 

 

 

 

 

وبتمنى اكبر ورشتى ويكون عندى مصنع أخرج منه اكبر إنتاج يدوى بروفيشنال.

 

 

 

 

 

 

 

ومركز تدريب وتعليم الحرف اليدويه وأتمني أعلم كل السيدات والفتيات
وأتمني أصدر شغلى للدول العالم كله يارب بفضل الله شغلى سافر السعوديه والإمارات وكندا وامريكا.

 

 

 

 

 

 

 

ولدي قاعده عملاء محترمه الحمد لله فيمصر والدول المذكورة اللهم لك الحمد والشكر.

 

 

 

 

أقرا أيضا : طاهر محمد رسام الكاريكاتير الساخر في حوار ساخن ( لأصالة وطن)

 

 

 

وعن أهم أعمالها اليدوية التي تقومي بصناعتها ……
قالت أكتر شئ منتشر في عملي هو المحافظ الرجالي والمحافظ الحريمى
والشنط الحريمى والرجالى والميداليات وهذه من اكتر المنتجات التي عليها إقبال عندى بفضل الله.

 

 

 

 

 

 

 

 

 

هل واجهتي صعوبات في عملك…..
أشارت ايمان الي ان من أهم الصعوبات التي واجهتها التسويق ولكن الحمد لله بحاول ان اتجاوزها واحصل علي كورسات تسويق مع قدراتك وكورسات أخري كتيره لتطوير شغلى في مجالات التسويق الرقمى والAi والتصوير وغيرها الخاصه بتطوير شغلى عبر السوشيال ميديا.

 

 

 

 

 

 

 

 

وعن نصيحتها التي تقدمها للشباب قالت انصحهم إنهم ينموا موهبتهم ويطوروا من نفسهم ويتعلموا مهارات جديده تواكب العصر الحالى والمستقبل وأقول لكل فتاة أتعلمى حرفه يدوية بجانب مجال دراستك وشغلك وأجعلي عندك تعدد لمصادر الدخل واسعى وعافرى وكافحى هتوصلى لأهدافك واحلامك اكيد.

 

 

 

 

 

 

 

ووجهت ايمان الشكر لله اولا وكان فضل الله عليك عظيما وأود أن أشكر أمى لأنها السبب فى اللي انا فيه حاليا رحمها الله رحمة واسعة واصحابى الفنانين الذين أسعدوني كتير فشغلى ومازالوا جزاهم الله عني كل خير