- الإعلانات -
متابعة احمد على البدرى
نشر الإعلامى أحمد سعيد ، عبر صفحته الشخصية
بموقع التواصل الاجتماعي” فيسبوك ، يوضح فيه ما حدث له ، خلال السنوات الماضية ، ولم يجد أحد يقف بجواره .
” قائلاً:” أنا مش متعاطف ولا متضامن مع حد وبقولها من أول يوم
أنا الاعلامي الرياضي الوحيد في مصر اللي مستضافش هذا الشخص اللعين أنا الوحيد في مصر اللي اول مادخل في قناتي وغلط منعته من الظهور وخسرت قناتي كسبت حب واحترام الجمهور”.
مضيفاً:”أنا الوحيد في مصر اللي شطفه ومسح بيه الأرض وقت ماكان الكل بيخاف يقول اسمه ،
أنا الوحيد في مصر اللي خضت حرب ضده دون جبهات او تدعيم او حتي جدعنة محامي يقف معايا، ولما انضحك عليه واتخدعت وخرجني بايس دماغه مصحبتهوش يوم وفضلت مرقدله لغاية ماعمل مداخلة ومسحت بيه الارض”.
- الإعلانات -
متابعاً:”انا الوحيد اللي خدت أحكام بعدد شعر الراس كلها ظالمة عشرات السنين، لمن رد عن اهانته واهانة الخطيب وشهر حبس لمن سب مصر كلها، واخرتها هو اللي بيشكك في القضاء”.
مؤكداً:”:لانفعني ولاقدرني الخطيب ومجلسه، ولا من قبله طاهر ولا تحرك من اجلي اعلامي ، ولما عملوا مؤامرة حبسي مشفتش واحد من مجلس الخطيب الموقر هز طوله وسأل عليه ولا بعت محامي ،
رغم ان ٩٩ في المية من الاحكام كانت عشانهم
كان بيجري ورايا في القنوات ويحط ملايين عشان يشتري وقت ومظهرش”.
مشيراً:”انا الوحيد اللي اتوقفلي برامج في الحدث ، والشمس وltc والمحور ، والعاصمة والصحة والجمال ، و crt ، ومغيرتش مبدئى ولا طاطيت راسي ولا اعلاني واحد تضامن معايا ولا قال حرام اللي بيتعمل في الراجل ده”.
مردفاً:”أما الباقي عمل معاه لقاءات ومداخلات وشتم مصر كلها وفي الاخر شتمهم، انا الوحيد اللي كان عندي مبدأ في وسط عديم المبادئ والكل لفت عليه الايام واتشتم ،أنا الوحيد اللي يستحق التقدير لأن وقف ضد واحد بلد بحالها بتحميه براءات علي شتيمته واحكام بالحبس علي اي كلمة ضده”.
مختتماً:”وهفضل الوحيد اللي عياله هيفتكره ان ابوهم كان راجل وصاحب مبدأ ، ويوم ماانضحك عليه وخلاني بوست راسه مسكتش الا مامسحت بيه البلاط ،انتم اللي صنعتم من الفار ده بطل ومن اللص أمينا ومن الدنئ عظيما”.
