مي عبد الفتاح استشاري اسري توجه رساله للازواج الذين يمارسون العنف ضد زوجاتهم

 

 

حوار هاجر عبد العليم

الموده والرحمه بين الزوجين ذكرهم الله عزوجل في كتابه الكريم أين اختفت تلك الرحمه والسكينة بين الأزواج كل يوم والآخر نستيقظ علي جريمه قتل زوج لزوجته أو العكس مع ذلك لم يكتفوا بالقتل ولكن يقوموا بتمثيل الجثه من قطع وفصل اعضاء للجسد ماذا حدث للبشريه ولابد من أن تكون قبل حدوث الجريمه مشادات وخلافات يوميه تتطرق الي الضرب والعنف والألم الجسدي لماذا لم يلجوا إلى الانفصال والتسريح بالمعروف كما قال الشرع ولهذا طرحنا هذا الموضوع مع الاستاذه مي عبد الفتاح استشاري تربوي وخبير سلوكي ومهتم بقضايا العمل والاسره والطفل لتلقي بالنصح والإرشاد للمجتمع

 

 

مارأيك في استخدم الأزواج وسيله الضرب الزوجه للتأديب ؟
اقول لهم استقيموا يابشر مفيش شيء اسمه ضرب المرأه الدين بريء من كلامكم وتفسيراتكم الله الرحيم الغفور مايأمر بالعنف والضرب وانما أمرنا بالموده والرحمة …
(وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهن )…ناس كتير جدا للاسف بيفسرو الايه دي بالمعني المعروف للضرب٠٠٠
ولكن بالعقل كده إزاي ربنا اللي قال من سابع سما فأمسكوهن بمعروف أو سرحوهن بمعروف وهو سبحانه وتعالى اللي وصف الجواز بالموده والرحمة ازاي يقول للراجل إضرب وعنف زوجتك٠٠٠ كيف تستقيم الموده والرحمة مع الضرب ؟!!! لأ وهيبقي الضرب متروك لتقدير الراجل كل واحد وذوقه كمان
الضرب في القرآن تم ذكره ف آيات كتيرة ولا تفسير منهم معناه الضرب بالمعني المعروف ٠٠٠٠
ويضرب الله الامثال .. إذا ضربتم في سبيل الله ٠٠ إن أنتم ضربتم في الأرض ٠٠٠٠ أفنضرب عنكم الذكر صفحاً ٠٠٠ وليضربن بخمرهن ٠٠٠ فاضرب لهم طريقا في البحر ٠٠٠٠ فضربنا علي آذانهم ٠٠٠ ضرب بينهم بسور
المهم ان الضرب في الآية زي ما جه في بعض الامثله دي هو بمعني المباعدة والترك والمفارقة
وحتي المفسرين اللي تفضلوا علي المرأة وقالوا ضرب بالسواك مش منطقي ٠٠٠ لان التدرج الطبيعي في حالة النشوز يكون الوعظ ثم الهجر في المضجع ثم المفارقة ٠٠٠ مش منطقي أنه يبقي وعظ ثم هجر في المضجع ثم ضرب بالسواك !!!! (الهجر في المضجع يعني يديها ضهره وهو نايم جنبها في السرير مش أنه يسبب البيت ولا الاوضه حتي ..

ياتري كام راجل ضرب مراته عشان بيطبق شرع الله !!! او مضربهاش تفضلأ منه معتبر أنه سايب حقه عشان قلبه كبير !!!! وكام راجل فسر النشوز اصلا على مزاجه ؟!! كام راجل مش فاكر من القرآن غير نشوز الست وتناسى نشوز الراجل (وَإِنِ امْرَأَةٌ خَافَتْ مِنْ بَعْلِهَا نُشُوزًا أَوْ إِعْرَاضًا ) نشوز الراجل اللي ربنا حله اذا فشلت محاولات الصلح بينهم بالمفارقه والطلاق يابشر فوقوا وبطلوا جهل بقينا ف 2022