قالي لو هاخد ملايين مش هلعب في الأهلي.. كفاية اللي اتعرضتله».. طاهر أبوزيد يكشف سرًا صادمًا عن أبوتريكة

زياد العالمي

كشف طاهر أبوزيد، نجم النادي الأهلي السابق، عن سر لأول مرة عن محمد أبوتريكة، نجم النادي الأهلي ومنتخب مصر السابق.وقال طاهر أبوزيد، في تصريحات تلفزيونية عبر فضائية «ام بي سي مصر2”:»أنا رشحت محمد أبوتريكة، للانتقال إلى النادي الأهلي، اللاعب جاء إلى مكتبي وكانت رغبته الانتقال إلى الأهلي«.وأضاف: «أبوتريكة، كان رافض يجدد عقده مع الترسانة، وكان متردد ينتقل للزمالك أم لا وجاء مكتبي حيث كانت رغبته الانتقال للأهلي».وتابع: «أنا كنت عضو مجلس إدارة عام 2003، وكلمت عدلي القيعي، وقولتله (محمد أبوتريكة، نجم نادي الترسانة، أنا شوفته مرتين وهو لاعب مميز واحنا محتاجينه، وانت عارف في لجنة الكرة علاقاتنا متوترة، فياريت تبلغ الكابتن حسن حمدي ومحمود الخطيب)».وتابع: «عدلي القيعي، رجعلي وقالي (هما سايبين الصلاحية لمانويل جوزيه، هو اللي يقرر التعاقد مع أبوتريكة من عدمه، وقالي جوزيه، طلب شرايط للاعب)، قولتله(يا عدلي هو ده وقت شرايط! الولد أنا شوفته وانا اللي بقولك أنه لاعب مميز ومحتاجينه فورًا، وأنا لما اتكلم في الكورة هتكلم أكتر من جوزيه)».

وواصل: «كانت هناك ضغوط على محمد أبوتريكة، للتوقيع لنادي الزمالك، واللاعب رغبته كانت الانضمام للأهلي»، موضحًا: «أبوتريكة، قعد مع عدلي القيعي وحسام البدري، فهو كان المدرب العام، والظاهر ضغطوا على أبوتريكة، يعني مهتموش»وأكمل: «أبوتريكة، جالي وقالي (أنا لو هاخد ملايين مش هلعب في النادي الأهلي، أنا اللي اتعرضتله يخليني ملعبش في الأهلي)، قولتله (عدلي القيعي، بتاع تسويق وبيبص لمصلحة النادي فلازم يتفاوض معاك بالشكل ده)، قالي(المشكلة مش في الفلوس، المشكلة في الطريقة نفسها)».وأتم: «كلمت عدلي القيعي، قولتله (اهدى شوية أبوتريكة في طريقه إلى الزمالك )، ودي كانت اللحظة الفاصلة في انتقال أبوتريكة للأهلي».