مأساة في سوهاج.. وفاة طفلة غرقًا في ترعة الإبراهيمية
أحمد علي البدري شهدت قرية سفلاق بمركز ساقلته، شرق محافظة سوهاج، حادثًا مأساويًا أودى بحياة الطفلة مريم مصطفى قمصان، البالغة من العمر خمس سنوات، بعد أن غرقت في ترعة الإبراهيمية،…
كتبت نورهان حمادة
الموضوع ده عادي ومش جديد في بلادنا، منتشر جداً، ومعظم الناس سمعت عنه ويمكن عاشته كمان.
انتو متخيلين البنت تتجوز وبعد الجواز تكتشف إنها أرجل من جوزها؟ الجوز دلوقت بقي ولا بيهش ولا بينش، عايش الحياة كده كأنه ضيف عليها. في بعض القرى، الجواز بقي عبارة عن شاب بيتجوز واحدة وينقلها لبيت العيلة. مش بقوى البنات أو الشباب على أهلهم، بس فعلاً اللي بيحصل في بيوت كتيرة حرام. زوجة الابن عايشة خادمة في بيت جوزها، بتخدم الأم والأخت والأخ بدون شكر، وفي وجود “بعلها” سبع الرجال.
المشكلة هنا تخص مين؟
- الزوجة:
البت الضعيفة اللي بترضي بالأمر الواقع، ومصدقة إنها مخلوق ناقص ومش بتقول لا. المفروض ليها احترام وتقدير لتعبها. - الزوج:
المفروض هو راجل، ووعدها وأهلها إنه هيقدرها ويسعدها، بس اشتراها عشان تخدم أهله وترضي أمه. - الحماة:
شايفة إن مرات ابنها مخلوق ناقص، من حقها تخدمها، وبتخرب بيت وحياة ابنها بدون قصد، باعتقادها إنها بتنتقم من مرات ابنها. - أهل البنت:
من حقهم يقفوا في وش الكل، ويختاروا راحة بنتهم حتى لو الطلاق هو الحل الوحيد. مش نهاية العالم الطلاق، يمكن تلاقي حد يقدرها بعد كده. - المجتمع:
المجتمع اللي بيطبل لأي حاجة، وبيتكلم على أي حد، وبيظلم بكلامه. بسبب كلام الناس، كتير من البنات بيتظلموا وبيتجبروا يكملوا في بيت مفهوش حياة.
الحلول:
- الأهل: بلاش تدخل الأهل في حياة أولادهم. الناس كتير بتنظلم بسبب تدخل الأهل. كفاية طلاق وتشرد أطفال وخراب بيوت.
- *التفاهم : حاولي تحلي مشاكلك مع جوزك بعيد عن تدخل أهلك. انت كمان حاول تحل مشاكلك مع مراتك بعيد عن تدخل أهلك.
الحوار: تحدثوا مع بعض بصراحة وبدون تدخلات خارجية. ده أفضل طريق لحل المشاكل ومنع تفاقمها.
بيت العيلة ممكن يكون سبب للخراب لو تدخل الأهل كان له تأثير سلبي على العلاقات. لازم نحترم حدود كل طرف ونسيب الناس تعيش حياتها بسلام.
