النيابة العامة تحقيقات موسعة مع المتهمين بفيديو خطف طفل من والدته بالجيزة
كتب أصالة وطن تحقق النيابة العامة بشمال الجيزة، تحقيقات موسعة مع الأب بطل فيديو خطف طفل من والدته بمنطقة الوراق، كما يتم التحقيق مع سائق التوك توك لاتهامهما باختطاف نجل…
انا من البلد دي …
انا من البلد اللي حصنها رب العباد وصانها من كل محتل وآثيم ..انا من البلد دي… بقلم د : فاطمة الخياط
أنا من البلد دي اللي فيها محمد ومينا أخوات عايشين ياكلوا اللقمة مع بعض بكل حب وحنين
أنا من البلد دي اللي عمرها ما اتهانت ولا انحنت وحافظت علي لغتها وثقافتها وعمرها مانهارت…
أنا من البلد دي اللي من قديم الزمن لها جيش عظيم هزم الأعادي ودمرهم علي أبوابها من عصر مينا وحتي العصر الحديث ..
أنا من البلد دي اللي قهرت من قالوا عن أنفسهم لن يقهروا مهما طالت السنين
أنا من البلد دي اللي غنت فيها ام كلثوم وعبد الوهاب وعبد الحليم أحلي الأغاني والمواويل
أنا من البلد دي اللي ولادها يعقوب وذويل والباز وطه حسين ومحفوظ وهيكل ومصطفي أمين …
أنا من البلد دي اللي وقفت ومازالت واقفة مع أخواتها العرب في كل ازمة وكل حين
أنا من البلد دي اللي فيها الأصالة وطيبة القلب وحب الناس وحب الخير للعالمين
أنا من البلد دي اللي ترابها عنبر ونيلها سكر
أنا من البلد دي اللي أهرامها تحكي عظمة وتاريخ شعب عظيم…
انا من البلد دي اللي فيها كل الحضارات من قبل التاريخ والفرعوني والقبطي والاسلامي ومزار ووجهه وحلم لكل سايح يزورها علشان يعيش عبق التاريخ ..معبد الأقصر ..و دير العدرا مريم وشارع المعز .. آثار تبهر العالمين
انا من البلد دي اللي عمرها ما حتسقط وحتتحدي كل المؤمرات وحتفضل وحتكبر وتعدي الأزمات بقوي وعون رب العالمين
انا من البلد دي اللي قوتها في اتحاد شعبها كبير وصغير
انا من البلد دي اللي اقسم ولادها ان العمل حيكون دستورهم لإعادة بنائها ورفعتها وسموها علشان تبقي في صفوف اقوي بلاد العالمين.
