بسبب خلافات الجيرة.. مصرع شخصين في مشاجرة دامية بسوهاج
كتب أحمد علي شهدت محافظة سوهاج واقعة مأساوية جديدة، حيث لقي شخصان مصرعهما ، إثر مشاجرة عنيفة نشبت بين جيران في قرية الحريدية التابعة لمركز المراغة شمال المحافظة، وذلك نتيجة…
كتبت هاجر عبد العليم
هاجم الإعلامي أحمد شوبير مجلس إدارة اتحاد الكرة برئاسة هاني أبوريدة، بسبب أزمة دوري المحترفين، مستشهدًا بالمجلس السابق برئاسة جمال علام.
وقال أحمد شوبير في تصريحات إذاعية: «نادي كهرباء الإسماعيلية بيطالب بإلغاء الهبوط في دوري المحترفين بعد تأهله لبطولة الدوري الممتاز لأول مرة في تاريخه بسبب الظروف الصعبة التي طرأت هذا الموسم».
وأضاف: «أنا بقول بقى إيه هي الظروف الصعبة ومحتاج حد يجاوبني، وبقول لاتحاد الكرة إذا لغيت الدوري اللي تحت دا يبقي أفسدت الكرة المصرية».
وواصل: «إحنا فهمنا المرة دي الأمر في الدوري الممتاز، وبإذن الله مش هيتكرر حتى لو الأهلي والزمالك هبطوا المرة الجاية، دعمنا الإسماعيلي بما يكفي، ودعمنا الأندية الشعبية كل واحد بقى يشيل نفسه واللي نزلوا كانوا الإسماعيلي وغزل المحلة».
وتابع: «كدا الأندية الشعبية وجبت معاها بما يكفي أنا ساعدتك بقى ساعد نفسك السنة الجاية وأصلًا مفيش نظام يتم تغييره، فانت عشان تعمل دوري تحت، فيه عشرين نادي هيبقي بصراحة هفضل أشيد بجمال علام لحد ما أبطل شغلانة، مفيش أتخن تخين قدر يعمل الدوري بالشكل دا غيره».
وأكمل: «أنا بنتقده في حاجات لكن دا حقيقي، والله ما بهزر ولا بتريق إذا حدث أي تغيير اللي مسميينه محترفين دا حاجة قول على الكرة في مصر السلام، أصل أحنا عواطفنا شغالة وكل شوية حد يقول أصل طنطا حرام يهبط ومش عارف ايه حرام يهبط، بس لو الاتحاد اقترب من الموضوع دا والله هنتأخر 75 سنة ودا مش كتير يعني نلحق بعد مائة 175 سنة بس».
اقرا ايضا:
شوبير: الأهلي يستعد لإعلان رحيل 3 لاعبين إضافيين بعد معلول والسولية
أحمد شوبير يعلق على اعتراض الزمالك بشأن حكام نهائي كأس مصر أمام بيراميدز
رحلت لكنك باق معنا.. حسين الشحات يودع علي معلول بكلمات مؤثرة
شوبير: اتحاد الكرة يفاضل بين محمود بسيونى ومحمد معروف لإدارة نهائي الكأس
