مصرع وإصابة شخصين في سقوط دراجة نارية من أعلى كوبري
كتب أصالة وطن شهد كوبري الفنجري في مدينة نصر حادثًا مأساويًا، حيث سقطت دراجة نارية من أعلى الكوبري ، مما أسفر عن مصرع شخص وإصابة آخر بإصابات خطيرة⁽¹⁾⁽²⁾. تفاصيل الحادث…
كتبت هاجر عبد العليم
حلت المطربة رنا سماحة ضيفة على برنامج ساعتين رايقين مع الإذاعية خلود نادر على محطة نغم إف إم، وقالت رنا خلال الحلقة عدد من التصريحات منها :
– من لزماتي هتلاقيني بقولك في نص الكلام بتهزري.. والناس بتركزلي أوي على الحته دي. وبلعب في شعري كتير.
– من الأغاني اللي بحبها لعمرو دياب أوي أغنية تقدر تتكلم عن روحك.
– بحب أغاني الدراما أكتر لعمرو دياب.
– بالنسبالي ألبوم علّم قلبي أحلى ألبوم لعمرو دياب بعشق الألبوم ده.
– عملت مع محمد الرفاعي أغنية أميرة الحب والأغنية كانت كلمات وألحان محمد الرفاعي واتعملت بشكل حلو أوي- اكتشفت إني بعرف أغني، لما كنت صغيرة كنت دايمًا بسمع الناس بيغنّوا في المدرسة، وحاسة إن فيه عندي حاجة بس مش متأكدة منها.
– فضلت ساكتة ومخبية لغاية ما كنت في 5 ابتدائي جم قالولنا مين بيعرف يغني هنا طلعت قولتلهم أنا.
– لما غنيت في المدرسة فضلت مخبية شوية على أهلي في البيت عشان مكانش عندي الجرأة لحد ما جت في يوم قرايبي كانوا معانا في المدرسة قالولهم في البيت رنا بتغني في الإذاعة المدرسية.
– وأنا في ثانوية عامة أهملت دراستي جدا وبقيت مركزة في المسرح والمزيكا ودخلت المعهد العالي للموسيقى العربية وبدأت الرحلة الطويلة.
– ماما ساعدتني أني أطلّع موهبتي، وأنا صغيرة كنت في فرقة مزيكا بتطلع في البرامج اللي فيها مواهب الأطفال وأنا كنت من ضمن المشاركين وغنيت على القناة التالتة، والقناة الأولى، والقناة الرابعة ساعتها كنت 13 سنة.
– أنا البيت عندي داعمين ليا من اليوم الأول، يمكن كانوا خايفين عليا في الأول عشان دراستي لككنهم الداعم الأول والأكبر ليا.
– وأنا صغيرة أم كلثوم كانت أساسي في حياتنا، وكنت بحب أنغام أوي ولسة بحبها وأصالة وشيرين عبد الوهاب وبحب وردة وفيروز.- طول الوقت بحب أوي أغني لأنغام أغنية “في الركن البعيد الهادي”.
– قبل ما اكتشف إني بعرف أغني كان نفسي أطلع مذيعة، الإذاعة كانت حلمي الأول كنت بجيب شرايط الكاسيت الفاضية وبمسك الجرنال وبقعد أسجل لنفسي، وبعدين لما اتطور عندي موضوع المزيكا، بقت المزيكا رقم واحد والتمثيل بقى رقم اتنين والإذاعة بقت الحلم اللي حصلي من عند ربنا.
– أغنية أميرة الحب أغنية بطابع تركي.. اتعملت في 3 بلاد كتابة وألحان محمد الرفاعي والموزع سوات أيدوجان في تركيا وصورنا الكليب في لبنان مع المخرج عادل سرحان.
– بحب الفيديو كليب بس هو مبقاش عامل أساسي في النجاح لأن الناس بقت بتحب تشوف الريل أكتر.
– أنا بحرض دايما أني أعمل فيديو كليب للأغاني بتاعني، والكليبات بتكون مكلفة شويتين، بس حتى لما بيكون عندي إنتاجاتي بحاول أعمل كليبات حتى لو بأبسط الأدوات.- بحس الكليب بيوصل أكتر وبحب أن الناس تبقى شايفة حتى لو مش هحكي الحدوته.
– كان ليا صاحبة صورناها في دبي، سافرنا كرو صغير، وصورنا كمان أغنية “طز في اللي فات” كلماتي وألحاني وهي من الأغاني اللي المفروض تنزل الفترة اللي جاية، وعملنا أكتر من حاجة لما سافرنا ومحسناش بتعب كنا مستمتعين خلال التصوير.
– سلمى رشيد كاتبة أغنية “كان ليا صاحبة” و”تراب أمشير” من الشاعرات اللي ليهم مستقبل كويس، إذا مكانتش من أهم الشعراء الجيل الحالي.
– أنا أهلاوية بس مش متعصبة، الرياضة بالنسبة لي زي ما طلعت لقيت أهلي، مش بحب الناس المتعصبة في الرياضة عموما، والرياضة حاجة ترفيهية موجودة عشان نتبسط ونستمتع، بس الفترة اللي فاتت الناس بقوا واخدين الموضوع في حته غلط. والناس بقت بتزعل.
– السوشيال ميديا بقت عامل مهم جدا دلوقتي، أي حد بيدخل يبص على أرقامك عشان يشوف أنتِ وصلتِ لفين، ولكن للأسف الشديد هي بقت مهمة رغم أن الأرقام بقت سهلة جدا.
– الأرقام بشوفها كمطربة مش هي المقياس للنجاح لكن هي جزء منه والنجاح إني أبقى ماشية بسمع الأغاني بتاعتي بتتسمع.
– أنا بحب تامر حسني جدا ويكفيني إني لما كنت عروسة كان من الناس اللي شاركت في فرحي من غير ما ياخد مني ولا جنية، هو جدع جدًا.
– بالنسبة للتمثيل بقرأ حاجة في الفترة دي إن شاء الله تعجب الناس.
– بالنسبة للغناء أنا مسافرة الفترة الجاية إن شاء الله رايحين نصور أغنية الهونولولو، وبستعد للسفر لبيروت والأغنية كلمات إسلام الجريني، وألحان محمد مصطفى، وتوزيع مصطفى غالب والكليب هيكون من إخراج المخرج اللبناني فادي حداد.
– بعد الأمومة المسئولية بقت أكبر وحياتك بتتغير لكن بحاول أحافظ على روحي.
– نفسي أسيب أثر طيب جوه كل الناس اللي حواليا.
