مأساة فتاة بالقليوبية.. زواج مزور وخيانة وض-رب تهز مواقع التواصل الاجتماعي
أصالة وطن تعيش سارة الآن في حالة ضياع قانوني ، حيث لا تعلم إن كانت متزوجة أم مطلقة ، ولا تعرف كيف ستنسب طفلها لزوجها الذي يرفض الاعتراف به. شهدت…
متابعة احمد على البدرى
قال أحمد حسام ميدو عبر قناة أون سبورت ، أن استبعاد زيزو من لقاء ستيلينبوش قرار الإدارة بعد توصيه من لجنه التخطيط لان كان صعب يكون معانا بالشكل ده لان كان هيحصل تشتيتت أكثر للفريق ويسبب مشكله كبيره للفريق
و أضاف ، بقالنا فتره بنحاول نتواصل مع زيزو لعقد جلسه ومكنشي في استجابه حتى العرض الرسمي اللي قدمناه للاعب متمش الرد عليه لحد دلوقتي
وأوضح ، موقف زيزو مختلف عن كل اللاعبين، اللاعب كان في السفارة الأمريكية و احنا معانا إثبات بكلامنا، اللاعب ذهب للسفارة قبل المران الختامي للفريق لمباراة ستيلينبوش، زيزو اختار مصيره و لكن انك تخرج أسطورة حاجه و انك تخرج من الباب الصغير حاجه، استبعاد اللاعب كان بالإجماع بين مجلس إدارة النادي و لجنة التخطيط و اختارنا الأنسب لنادي الزمالك
وتابع ، صعب يكون في مباراة مهمة للنادي والاقي اللاعب بتاعي رايح السفارة الأمريكية يستخرج تأشيرة في التوقيت ده ومعانا اثباتات على كده وده كان يؤكد أن تفكيره خارج المباراة فتم استبعاده
وأكد ، زيزو مستمر مع الزمالك لاخر يوم في عقده وهينزل التدريبات وهنتعامل معاه بشكل احترافي كامل لآخر يوم في عقده ، و لا صحة لإهانة والد زيزو أبدًا.. ولم تحدث أي مشادة بيني وبين اللاعب قبل مران الفريق
وأضاف ، احمد حسام ميدو : والد زيزو تحدث و قال إنه زعلان من التسريبات اللي بتحصل، سؤالي لوالد زيزو المكان التاني مفيهوش تسريب، هل في سرية و مفيش أرقام معروفه و مفيش تسريب لوقت جلسة التوقيع و مرتبك و عمولة والدك، احنا نادي الزمالك كان لازم نحفظ هيبه النادي و بعد تهرب اللاعب من الجلسة السابقة قبل مباراة ستيلينبوش كان لازم يكون في قرار نهائي بخصوص قصة زيزو
وتابع ، حسام عبد المجيد متبقي في عقده موسمين ونصف و الحديث على رحيله عبث و اللاعب ملتزم مع الزمالك و في مفاوضات معاه لتعديل و تمديد عقده، عبدالله السعيد طلب تأجيل المفاوضات معاه، محمد السيد ابن من ولاد النادي و قدمنا له عرض رسمي و ان شاء الله نوصل معاه لاتفاق و مفيش تجميد لأي لاعب في الفريق، نسبه بقاء عبدالله السعيد كبيرة بكل تأكيد
وأردف ، إزالة صورة زيزو من ملعب الزمالك؟ لا يوجد قرار يصدر بدون موافقة مجلس إدارة ولكن لن نقبل بإ.هانة اللاعب
