حريق في محل كهرباء بشبين القناطر دون خسائر بشرية
هاجر عبد العليم تمكنت قوات الحماية المدنية بالقليوبية، بالتنسيق مع الأهالي من السيطرة على حريق بمحل كهرباء بقرية نوى دائرة مركز شرطة شبين القناطر، دون خسائر بشرية أو ثمة إصابات،…
كتبت هاجر عبد العليم
أقامت سيدة ثلاثينية دعوى طلاق للضرر أمام محكمة الأسرة ،وقالت في صحيفة دعواها أنها تخشى على ابنتها من زوجها الذي صدرت منه خلال الفترة السابقة تصرفاته وصفتها بالغريبة.
ذكرت المدعية أمام محكمة الأسرة: «قالولي هيبقى أب لبنتك بدل ما هي يتيمة وأتجوزنا منذ 5 سنوات بعد ما زوجى توفى وترك لى طفلة، ووافقت عليه ليكون سندا لى، وقلت هيحمينا من الدنيا، ويحافظ عليا أنا وبنتي، بعد ما الوسطاء أقنعوني إنه رجل محترم وهيربي بنتي من جوزي المتوفي كأنها بنته بالضبط».
تابعت المدعية: «في أول جوازنا كان أب حقيقي لبنتي ومعاملته معانا محترمة، وبيعتبر بنتي كأنها بنته وكانت بتقوله يا بابا، ووقتها كان عندها 11سنة، وكنت بحاول بقدر استطاعتي أرد له المعروف بمعاملتي له وإني أشوف إيه إللي بيريحه واعمله، واشترط عليا ما نخلفش ووافقت عشان أرضيه وأحافظ على بيتي».
سيدة أمام محكمة الأسرة : بعد 5سنوات جواز وجدته يعاني من مراهقة متأخرة
وأشارت: «بعد 5 سنوات وجدته يُعاني من مراهقة متأخرة وخايفة على بنتي منه لكونها كبرت وأصبحت آنسة، وكانت علاقتها به قوية والصراحة كنت مطمنة عليها وهي معاه، لحد أخر سنة بدأت تصرفاته معاها تبقى غريبة، والبنت قالت لي إنه تعامله معاها بقاش زي الأول، وإنه بيقرب منها بشكل غريب وتصرفاته أغرب، وكنت بكدب نفسي لحد ما تأكدت بعد ما راقبته، وبقيت مرعوبة على بنتي منه في أي لحظة، ولما واجهته حاول ينكر لكن أنا كنت شفت بعيني خلاص، وتركت له البيت وقررت أقيم دعوى طلاق للضرر عشان رفض إنه يطلقني عند مأذون لما طلبت منه.
محكمة الأسرة تقبل الدعوى وتقضى بتطليقها
وقضت المحكمة بقبول الدعوى وتطليقها طلقة بائنة بعد ما رفضت مساعى للصلح&raqu
