جمال المنياوي
في غياب الرقابة المرورية وإدارة المواقف بالمنيا سائقي التاكسيات يتحدون المواطنين ويفرضون شروطهم علي الركاب مما ادي الي امتلاء صفحات التواصل الاجتماعي باستغاثات المواطنين وصفحة المنيا ومن شروط ركوب التاكسي داخل المنيا أولا أن تكون شخص واحد يعني متنزلش بعائلتك كلها علشان يقدر يركب اثنين او ثلاثة معاك انت مش رايح الحديقة الدولية. ولو جسمك مليان لازم تخس علشان يعرف يركب معاك كتير.
ولا تكون كبير في السن او عيان علشان هتعطلهم في الركوب والنزول وهما مش فاضيين. لازم مشوارك يبقي لآخر الشارع ميزيدش عن 5 دقائق ويكون طريق مستقيم مش زحمه ولو نسيت اغراضك تليفونك شنطتك … الخ من نصيب السواق متسألش كتير. وكمان السواق من حقه ينزلك فى اى مكان او يشتمك بأمك او ابوك او يسبلك دين عادى زى اخوك الكبير متفتحش بوقك.
و لو ربنا كرمك وعرفت تركب ونفذت كل الشروط اللي فوق اعمل حسابك إن الأجرة ١٥ جنيه لاما مش هركبك وأختارك من وسط كل الناس دي وفي الآخر آخد أجرتي العاديه
فاضل حاجة تانى نسينا نكتبها ؟
كل هذه العبارات سخرية من المواطنين علي أوضاع السائقين للتاكسيات بالمنيا
فالجميع يطالب بتكثيف الرقابة وخاصة من إدارة المرور وإدارة المواقف والمجلس المحلية حتي يحترم هؤلاء السائقين آدمية الركاب.
