حريق أعلى سطح منزل في أسيوط.. والدفع بسيارتي إطفاء لإخماده
كتب أصالة وطن نشب حريق محدود، اليوم السبت، أعلى سطح منزل بشارع رياض التابع لحى شرق بمحافظة أسيوط والسبب مجهول وتم الدفع بسيارتي إطفاء والسيطرة على الحريق. وتلقى اللواء وائل…
هاجر عبد العليم
شهد حفل زفاف الفنانة أسما شريف منير حضور والدها وابنتها وعدد من الاصدقاء، وذلك مساء أول أمس الخميس، حيث تداول عدد كبير من الجمهور صور لابنة الفنانة التي خطفت الأنظار بإطلالة ملكية، إذ لفت ابنتها الأنظار بعد ظهورها معها.
وتفاعل عدد كبير من الجمهور على صور ابنة أسما شريف منير عبر مواقع التواصل الاجتماعي، بسبب تشابهها بوالدتها وتغير ملامحها سريعًا.
أسما شريف منير تعلن عن زواجها
وكانت «أسما» أعلنت عن زواجها في مفاجأة لجمهورها، من خلال منشور مؤثر شاركته عبر حسابها الرسمي على «إنستجرام»، أرفقته بصور تجمعها بوالدها الفنان شريف منير وعريسها.
ونشرت أسما صور عقد قرانها عبر حسابها الرسمي بـ«انستجرام»، وعلقت على الصور قائلةً: «الحاجات اللي اتعلمتها إني مفكرش في المستقبل، ولا إزاي أعمل حاجة وأعمل فرح كبير مبهرج وفي حاجات كتيرة قوي بالزيادة.. ولا حتى كنت عايزة أعمل أي حاجة من الحاجات دي بشكل شغل، إني مثلًا أعمل كولابوريشن أو حاجات».
وتابعت: «كنت عايزة إن أعمل حاجة أقدر عليها وتبقى في استطاعتي، وتبقى مبهجة، وفيها الناس القرايبين مني قوي وأهلي.. وحبيت إن أعمله في بيتنا، وحبيت إن الفرحه تبقى دي أول حاجة موجودة في البيت.. حبيت إن أعمل ديكور بسيط، حبيت إن ألبس حاجة بسيطة، حبيت إن الصور تبقى متصورة من الموبايل عادي، صحابنا اللي مصورنا».
وأضافت: «إحنا اللي عملنا الديكور بتاع المكان بإدينا، وإحنا اللي عاملين كل حاجة في البيت بإدينا.. والإحساس ده حسسني إن كل حاجة إحنا بنعملها فا في تفصيلة بتفكرنا بحاجة، وكل تنشنة وكل خناقة وكل حاجة في الدنيا كانت في الآخر وصلتنا للحاجة الحلوة اللي حصلت النهاردة.. أنا ممتنة جدًا لكل الناس اللي كانت معايا وحواليا وساعدتني».
وتابعت: «وعايزة أقول إن أنا مبسوطة برضو بإني مجرد إني أعلنت إن أنا هتجوز.. حسيت قد إيه إن فيه ناس كتير كانت بتابعني من زمان وعارفة إن أنا بتكلم من قلبي.. فالناس دي بعتت لي فرحانين من قلبهم ليا كأني أختهم أو صاحبتهم، وده بيأثر فيا جداً لأني بحس إن الناس اللي بيطلع من قلبي بيوصل لهم».
واختتمت أسما منشورها قائلةً: «والكابشن دي عشان كنت عايزة إنه بنات كتير تفكر وهي بتتجوز ما تفكرش في الماديات وفي الفستان يبقى منين وفرحي فين وقد إيه هو كبير أو مبهرج.. على قد ما تفكر هي بتختار مين ومعاها إيه. ويمكن الاختيار ده جالي بعد تجارب صعبة عدت فيها.. وأتمنى إن يبقى حسن الاختيار.. وبحبكوا قوي».
