أي بنت فاضلة والدها متوفي ومكتوب كتابها فيه حاجه اسمها (منحة زواج)

 

رانيا محمود

بتتصرف من التأمينات وبتكون مبلغ محترم ينفعك في جهازك.

ومحدش بيتجمل ولا بيتصدق عليكي، ده حقك من الدولة ومن معاش والدك.

 

روحي على مكتب التأمينات الي انتي تابعة ليه ومعاكي أصل وصورة من قسيمة الجواز وأصل وصورة بطاقتك

بعد أسبوع أو 10 أيام بالكتير تروحي تستلمي الشيك او يتم الصرف على حسابك في بنك مصر.

 

 

الصرف بيكون حوالة بنكية علي بنك مصر (أي فرع) تصرف ببطاقة الرقم القومي

 

بشرط أن يكون الزواج لاحقا على تاريخ وفاة صاحب المعاش

 

منحة الزواج تساوي المعاش المستحق عن مدة سنة “12 شهر” من قيمة المعاش.

تُصرف مرة واحدة فقط، وتسقط في حالة عدم التقدم بطلب لصرفها خلال خمسة سنوات من تاريخ استحقاقها..

 

أي

 

من تاريخ عقد الزواج الموجود في وثيقة الزواج بعد عبارة : إنه في يوم كذا الموافق …..

 

موضوع الخمس سنوات خاص بالقانون الجديد

لكن أي واقعة زواج حدثت قبل ٣١ / ١٢ / ٢٠١٩ فمدة التقادم ١٥ سنة

 

بمعنى

 

إنه لو واحدة تزوجت في ٢٠١٠م وتقدمت انهارده بطلب صرف منحة زواج سيتم الصرف وتستحق المنحة

 

لكن لو واحدة تزوجت في ٢٠٠٦ وتقدم اليوم بطلب صرف منحة زواج فلن تستحق المنحة

 

عايز اضيف ان ده حق من فلوس والدك مش من اي جمعيه خيريه او لجنه خيرية ده فلوس والدك دافعها من مرتبه طول حياته

 

والمنحة تصرف للبنت في حالة الزواج

 

وللإبن في حالة الاشتغال

أو بلوغ سن 21 (إذا كان بدون مؤهل)

أو بلوغ سن ٢٤ (مؤهل متوسط)

أو بلوغ سن ٢٦ (مؤهل عالي)

 

 

المطلوب

 

صورة بطاقة الرقم القومي على أن تكون سارية

طلب صرف منحة (موجود بالمنطقة)

إقرار بعدم الاشتغال (موجود بالمنطقة)

أصل القسيمة+ ٢ صورة منها

هذه الطلبات خاصة بالابنة المتزوجة

 

 

فيه طلبات تانية لها علاقة بمن سيستمر في المعاش

 

فمثلا الأرملة = والدة حضرتك

صورة بطاقة سارية

إقرار بعدم الزواج

 

البنات= اخواتك حضرتك

صورة بطاقة سارية

إقرار بعدم الزواج وإقرار بعدم الاشتغال

 

الأولاد= اخوة حضرتك

صورة بطاقة

إقرار بعدم الاشتغال وصورة من المؤهل أو إثبات قيد

 

 

قدمي على حقك و ربتا يحفظكم من كل سوء اللهم آمين