ميار الشريف بنت مصر الذهبية إلى نهائي دورة بارما الإيطالية الدولية لتنس

 

كتب مصطفى محمد

النهاردة بنت مصر بطلة التنس العالمية “ميار شريف”جه حققت إنجاز جديد ومش غريب عليها لما وصلت لنهائي دورة “بارما” الدولية للتنس بعد ما فازت على الرومانية “آنا بوجدان” بمجموعتين لمجموعة واحدة عشان تتاهل لمقابلة اليونانية “ماريا ساكاري”..

 

دورة “بارما” الايطالية الدولية هي واحدة من دورات الـ 250، وده تاني نهائي لـ “ميار” بعد ما وصلت لنهائي دورة “كلوج” الرومانية سنة 2021 لكن للأسف خسرت ضد الألمانية “أندريا بتكوفيتش” لكن بنت بلدنا في نفس الوقت فازت بدورتين هما “ماربيا” الإسبانية، و”كارلسروه” الألمانية..

 

“ميار” اسم مصري فرض نفسه بقوة في ساحة التنس العالمية وخلاّنا كلنا فخورين بيها وباللي بتحققه.. جايز إن “ميار” مش بتكسب كل البطولات اللي بتشارك فيها وده طبيعي ما هي دي رياضة ومحدش بيكسب على طول الخط لكن الشيء الأكيد إنها بترفع راسنا بأدائها المميز وبكمية الأرقام القياسية المبهرة اللي حققتها خلال أقل من سنتين!.. واثقين في “ميار شريف” ومنتظرين الفوز بالمباراة النهائية بإذن الله.