- الإعلانات -
جمال المنياوي
اعلنت مديرية التربية والتعليم بالمنيا بناء علي توجيهات الوزارة وتوجيهات المهندس محمد فؤاد الرشيدي وكيل الوزارة تنبيهات لطلاب الثانوية العامة علي صفحة التواصل الاجتماعي
منها أكتب رقم الجلوس من اليمين للشمال أو من الشمال إلى اليمين مافيش أي مشكله المربع الزياده ده خليه على اليمين أو الشمال مافيش مشكله أهم حاجة كتابه رقم الجلوس بشكل صحيح وبخط واضح.
كتابه رقم الجلوس بالانجليزيه أو العربي مافيش مشكله بس أهم حاجة تكتبه بخط واضح أبوس ايديك
رقم نسخه النموذج مهم جدا وعادي تكتبه بالعربي أو الإنجليزية مافيش مشكله.
مش لازم في كل ماده تاخد نفس لون النموذج ، لو كل ماده هتاخد لون نموذج مختلف مافيش أي ضرر عليك فياريت تخفوا هبل.
أهم البيانات هي أسمك ، رقم جلوسك ، رقم نسخه النموذج بتاعك دول الي لازم يتكتبوا بخط واضح .
مسموح ليك تحل في بوكليت الأسئلة بالجاف أو الرصاص مافيش أي مشكله ،بس تخلي بالك الي معترف بيها رسميا هو اجابتك في البابل شيت يعني لو حالل صح في بوكليت الأسئلة بس حلك في البابل شيت غلط برضوا لن يتم الرجوع لبوكليت الأسئلة
مسموح ليك تحل في البابل شيت بالرصاص الأول وبعد كده تدور عليه بالجاف
