- الإعلانات -

إذا كنت في نعمة.. فارعاها

أصالة وطن

0 330

- الإعلانات -

 

 

بقلم ــ د.ميرفت السيد

 

مفيش اكتر من نعم ربنا علينا .. بس اعتياد النعم بينسينا نشكر ونحمد ربنا عليها

 

.. النعم مش كلها دخل مادي و لاحسابات في بنوك..

النعم ..قلوب فاكراك حتي لو كنت في اخر الكون ..

النعم ..سؤال بلهفه عليك كل ساعه و كل يوم ..

النعم .. اهتمام بكل تفاصيلك في كل ثانيه

و لسنيين بتدوم ..

النعم ..انك متحسش بالوحده و لو عايش لوحدك في الدنيا مهموم ..

النعم .. ان في قلب تاني فاكرك و اقرب من نفسك ليك ..

قلب حاسس بيك و بيطبطب بكل حب عليك ..

النعم .. ان فراقك يكون اصعب احساس في الكون .. و القرب يبقي الامنيه الوحيده في حياتك و من غير بديل ..

- الإعلانات -

النعم .. ان النظرة في عنيك تبقي أعظم من كنوز الكون ..

و ان فرحه قلبك تبقي الامل اللي يتعمل علشانه المستحيل..

النعم .. ان صوتك يمحي من القلب الخوف

النعم .. لما يبقي نبض قلبك هو اللي بيدي للحياه حياه و للكون معني ووجود ..

النعم .. ان الاخر يبادلك حبك و احساسك .. و مشاعر وصلت لك حتي لو في ايام .. مش سنين

النعم .. ان بكرة تعرف ان ملامحة مش هتكمل الا معاك و بيك

 

والطبيعي ان الحياه تتعاش هاديه .. مش ده هو الاستثناء …

والطبيعي .. ان الحياه تجمع قلوب .. ومتفرقهاش ابدا المسافات ..

والطبيعي .. ان الدنيا هتحلو لما الحياه في اتجاهين تتعاش ..

الطبيعي .. لازم نحس ان اللي جوانا في حد قدرة .. قدر يشوف الاهتمام والحب وعرف يعيشه ويترجمه ..

 

عبروا و اهتموا و وصلوا مشاعركم بأمان … بكرة عمره ما كان في يوم بايد انسان ..

اللي خلق الكون قادر يسعد بالفرحة قلوب … و يمحي في كل ثانيه الخوف ..

و يقدر ع اللي ظلم .. و يرد حق المظلوم

Leave A Reply